Papa ki nazar mein
Khudki jhalak thi
Toh bhatak gaya
Maa ke mann ki niraasha padh li toh thak gaya
Dhoondha pyaar kai baar
Par gum gaya khudki awaaz dhoondhne
Toh mile kuch bechain saathi jin mein
Sirf apne halaat dhoondhe
Samaaj de paheliyaan jinke tukde aasan tootne
Unn tukdon ka hisaab maange mera ateet
Jo jhagad raha mann ki tabdeeli se
Badal raha samaaj ek matlabi jaldi mein
Abhi bhi dikhta sabki nazron mein
Jo sab na pasand iss awaam ko
Wahi bann raha main barso se
Toh kal ki ek marne ki nakaam koshish
Bhagwaan khudgarz
Khudko khatm karne ka de intekhaab
Cheen liya sabr banne ka nakaam
Ateet aur aaj jodna chaahe sawaal
Bhoolna khudko mera khwaab
Karwatein lekar aisi raaton mein
Hona chahoon khudse riha
Dabe paaon inn vichaaron ko sajaaya
Bina shor kiye bhaaga iss aks se
Yaad nahi khudgarzi mein
Chodne pade kitne shaks the
Nakli seedhiyon se bacha toh chala pata
Naamunkin nahi udna paaon zameen par rakhe
Ya toh bhool jao khwaab
Ya santulan
Dono par rakhe paaon
Mann se bach tu ab
In aks se faraar hona maane khud ko khona
Bahaar ka wazan mehsoos kar
Apne mann ko kar riha
Bhool ja apne iradon ki fiza
Bhool ja apne gamon ki wajah
Dhoondh la ek teesri shakl
Taak khudko baahar se
Tere vichaar chalaak
Woh tujhse bhaagte
Par tu mann mein rakh thehraav
Sunn tera karm kya tujhse keh raha
Vichaar matlabi
Unka tujhse sambandh nahi
Adhoori kahaaniyon ki thakaan
Apne kandhe se utaar
Tu sirf apne karmon ke liye zimmedaar
Tu sirf apne karmon ke liye zimmedaar
Tu sirf apne karmon ka zimmedaar
Tu sirf apne karmon ke liye zimmedaar
Tu sirf apne karmon ka zimmedaar
Ateet aur aaj jodna chaahe sawaal
Bhoolna khudko mera khwaab
Karwatein lekar aisi raaton mein
Hona chahoon khudse riha
Riha