Pitr satta tum sab kamzor ho iske abhaav mein
Pitr satta iske abhaav mein darr ka bhaav hai
Pitr satta pyaar hum karenge jis se bhi karna hai
Pitr satta hum laddenge royenge ab nahi darna hai
Pitr satta tum sab kamzor ho iske abhaav mein
Pitr satta iske abhaav mein darr ka bhaav hai
Pitr satta pyaar hum karenge jis se bhi karna hai
Pitr satta hum laddenge royenge ab nahi darna hai
Pratha ka ghaav jo rehta badano jazbaat pe
Bhaari dabaav jo rehta hai aklo dimaag pe
Chaap jo bachpan se choddi hai kehke praatha
Vyakt kya kare wo odhe rehte hai bas apni vyatha
Socha gar marzi ki kar legi to
Baap milaa dega khaak, latka dega shaak pe
Anhoni to honi hai ghar ki jo izzat hai usne yoni mein chupaayi hai
Izzat hi badhkar hai sabse yaha laasho ne izzat badhai hai
Sann atharah mein hua ek aisa hi paap tha
Kausalya ko maara tha jisne wo uska hi baap tha
Gunaah bas itna sa tha ki jaati ki lakshman rekha ko laang ke
Kar li thi shaadi apne dil ki maan ke
Ab laddi wo baazi azaadi ki
Par kehna na usko mardaani si
Aurat hai laddki hai rota hai wo kamzori hi nahi
Aansu bahana bhi taqat hai wo majburi hi nahi
Bagaawat mein likha qalaam ye
Bolenge kheecho zubaan ye
Tehzeebo ko rakho sambhaal ke
Bure hain saare amaal ye
Dekhe bohot attyachar hain
Ab hona na humko lachaar hai
Aankhein mundi balaatkaaro pe
Jab maari daayan chauraaho pe
Hum bole na kuch suna nahi
Par dabte gye tere neeche hi
Ab uthe hain sab ab rukenge nahi jabtk badla tujhse le na le
Burqe mein aurat hi lutti hai
Saaree mein aurat hi lutti hai
Chal na sake wo bhi lut ti hai
Bas paida hui to bhi lut ti hai
Ling ab bana hathiyaar hai
Bharat ma ka tiraskar hai
Lagaale jitna dum lgaana hai
Hoga patan ye zamaana hai
Hum darrte nahi hain ab rone se
Hum aansu se krranti bhi layenge
Tum karte raho Jo bhi karna hai
Hum marrke bhi tumko satayenge!
Pitr satta tum sab kamzor ho iske abhaav mein
Pitr satta iske abhaav mein darr ka bhaav hai
Pitr satta pyaar hum karenge jis se bhi karna hai
Pitr satta hum laddenge royenge ab nahi darna hai
Pitr satta tum sab kamzor ho iske abhaav mein
Pitr satta iske abhaav mein darr ka bhaav hai
Pitr satta pyaar hum karenge jis se bhi karna hai
Pitr satta hum laddenge royenge ab nahi darna hai