Su cane at mossigadu a su 'ighinu
At nadu chi mi la faghet pagare
Proite pensat chi bi l'apo 'etadu
E cando mai podet pensare custu
Su cane at fattu su dovere suo
At bidu zente intrande a domo sua
Sa domo est sa mia e così sia
At nadu chi fit intrande a saludare
Pro narrer bonasera a mesanotte
Su limone e s'aranzu fit tocande
Attr'e che chi saludos a cust'ora
Tando fit issu su malefattore
Pro cussu mancaiat totu sa frutta
Su muru bassu brincadu at e a intro
Podes pensare a su 'ighinu tuo
Malu puzone, tue fis su mazzone
Cuadi sa cara in d'unu rincone
Dimanda si ti serbit carchi cosa
Su cane meu non cheret chi li tochen
S'aranzu e su limone de su mere
Discùlpalu e càgliadi sa 'ucca
In donzi parte de su mundu est gai
Chie tocat su chi non depet tocare
Bantos 'e pedra podet isperare
No isperet chi li manden sa gràtzia
Cando si ponet mere de s'anzenu
Malu fattore cun su muru bassu
Brincadu at su matzone fura pudda
Cuadi sa cara in d'unu rincore
Dimanda cando non ti serbit nudda
Limone, aranzu, o siat chibudda
Discùlpalu e càgliadi sa 'ucca
In donzi parte de su mundu est gai
Tando fit issu su malefattore
Pro cussu mancaiat totu sa frutta
Su muru bassu brincadu at e a intro
Podes pensare a su 'ighinu tuo
Malu puzone, tue ses su matzone
Cuadi sa cara in d'unu rincore
Dimanda si ti serbit carchi cosa
Su cane meu non cheret chi li tochen
S'aranzu e su limone de su mere
Discùlpalu e càgliadi sa 'ucca
In donzi parte de su mundu est gai