O luna, luna 'e Nule
Luna, luna
Luna subra su monte
Luna 'e Nule
Dae inie lughende nottes
A totta luna
Luna in sas nues de Nule
Lughe
S'istrada pro torrare a su pastore
Umbras in terra
Sutta su lentore
Melosa e bassa
Luna imbreagona
Cuidende animas mannas e minores
Che manu 'ona ti pesas bianca
Cossizzera ti pones a de notte
Chirchende a pagu a pagu su passadu
A chie cuadu timet su lugore
E a chie est chirchende amores
Canes ladrende, curret su mazzone
O luna, luna 'e Nule
Luna noa
Ponet su coro in pasu
A chie no nd'ada
Dae inie lughende nottes
A totta luna
Luna in sas nues de Nule
Che manu 'ona ti pesas bianca
Cossizzera ti pones a de notte
E chie est chirchende amores
Canes ladrende
Curret, curret su mazzone
O luna, luna 'e Nule
Luna 'e prata
Luna, luna in piatta
Ciacciarrende
Dae inie lughende nottes
A totta luna
Luna in sas nues de Nule
Lughe
Lughe
Luna 'e mesa
Nule, zente de domo
A coro in manu
Dae inie lughende nottes
A totta luna
Luna in sas nues de Nule