Tîp û lekên Kurd diketin zinaran
Li hawîr bimba, tim gule baran
Erîş dibin ser komên neyaran
De rabe ser xwe, kurê min rabe
De rabe ser xwe, bavê min rabe
♪
Şev ta sipîdê me nîne qet xew
Cîhan li ber min tev bûye rew rew
♪
Rêbat nexwenî, çi bêjî mêkew?
De rabe ser xwe, kurê min rabe
Bavê te çû şer, şêr e li meydan
Êrîş dibin li ser Îran û Tûran
Destê xwe dan hev Mikrî û Lûran
De rabe ser xwe, kurê min rabe
♪
Eger mezin bû, divêm bixwênî
Rewşa cîhanê tu xweş bibênî
Ji nû tu karî dijmin derênî
De rabe ser xwe, kurê min rabe
De rabe ser xwe, bavê min rabe
♪
Keç û kurên Kurd, hemû şîyar bin
Ji bo serbestî hemû li kar bin
♪
Ji hev re dost bin, dijî neyar bin
De rabe ser xwe, bavê min rabe
Dijwar e dijmin, Tûran û Firs e
Gernas û mêr be, ji wan netirse
Sibê şîyar bû, li min nepirse
De rabe ser xwe, kurê min rabe
♪
Bizane xwendin ji bo me derman
Da ku bizanin qanûn û ferman
Derxin ji bo me van tirs û şerman
De rabe ser xwe, kurê min rabe
De rabe ser xwe, bavê min rabe
♪
Şêx û melan em tev kirine derwêş
Ew bû du sed sal em bûne berbêş
♪
Bav bêne kuştin, nemênî ev êş
De rabe ser xwe, bavê min rabe
Mir û perest im bi rengê Cegerxwîn
Serbest bijîn tev, ne wek Mem û Zîn
Jîna serbestî dibê me ev jîn
De rabe ser xwe, kurê min rabe
♪
Dijwar e dijmin, Tûran û Firs e
Gernas û mêr be, ji wan netirse
Sibê şîyar bû, li min nepirse
De rabe ser xwe, kurê min rabe
De rabe ser xwe, kurê min rabe