Un'istrale a sos cumpanzos
Chi cumpanzos non sun prusu
Como attenden sos istranzos
Cara a terra e fundu a susu
Un'istrale a sos cumpanzos
Chi non lassen su masone
E una bella surra 'e punzos
Gai torramus a cumone
E una bella surra 'e punzos
Gai torramus a cumone
Un'istrale a sos cantores
De su binchidore nou
Razza mala 'e brincadores
Chi in totube fachen s'ou
A sos battor moritteddos
Chi los truvet s'istoria
Che puntorzu a sos poleddos
Gai lis torrat sa memoria
Che puntorzu a sos poleddos
Gai lis torrat sa memoria
A sa corte prinzipale
Chi sos sardos cheret mudos
Chene limba naturale
Gai non semus limbudos
A sos omines de nudda
Sos chi furan sa zente
Chene coro e chene tudda
Furan puru s'innozente
Chene coro e chene tudda
Furan puru s'innozente
Un'istrale a tie cumpare
Disizosu e abramidu
Chi pro fachere dinare
Fintzas s'anima as futidu
Un'istrale a tie cumpare
E unu raju mannu mannu
Cun s'inferru a murrapare
Chi t'accatten intro s'annu
Cun s'inferru a murrapare
Chi t'accatten intro s'annu
Ammentaebos cuss'istrada
Cuss'istrada 'e mala sorte
Chi Felice est nomenada
Sinde riet puru sa morte
Ammentaebos cuss'istrada
Ammentaebos sas ruches
Bos amparet sa torrada
Deus in nottes chene luches
Bos amparet sa torrada
Deus in nottes chene luches
Binde cheren de cosinzos
A la currere sa vida
Tra suore e pistichinzos
Isettende sa bessida
Binde cheren de cosinzos
Ma b'at chie, sende sinzeru
Custa vida de mischinzos
L'es'currende iscurzu a beru
Custa vida de mischinzos
L'es'currende iscurzu a beru