Forse sta storia
Nun è mutu pulita
Ndora nu picca
Puru de malavita
Successe tuttu
Intra nu menzu secondu
Storia de dritti
De rispettu
E de sangu
Li fatti siane puru
Pututi chiarire
Ma stu paccatu
Sia bbutu scansare
Ma quandu purtroppu
Sta te schiatta lu core
Nu corpu ancanna
Rria prima de le parole
Ieu la tenia
Ntra nu cuscinu de viole
Quantu era beddrha
Forse cchiu de lu sole
Ca solamente sape Santa Lucia
Ci era o no tutta la vita mia
Lu Tore è mortu
E ieu aggiu persu n amicu
Cci nd'aggiu fattu
No me fidu ve dicu
Ma iddrhu puru
Forse ia fattu lo stessu
Llassamu stare
Ormai è successu
Sordi e pane
N'imu sempre spartutu
E quante trastulle
Imu cumbinatu
Ieu cu lu Tore
Stine comu a ddo frati
Ma de la Stella
Tutti ddoi nnamurati
Doi amici e a mienzu
Purtroppu l'amore
Sorte puttana
Ca na fatti scuntrare
Cane sta vita
Duce e maledetta
Ne ddarlampasti
Comu tronu e saietta
Iddrha è rimasta
Sula sula a dhra fore
E an capu nu focu
Ca no se pote stutare
Dicono in giru
Ca forsi era destinu
Quantu me bruscia
Stu bicchieri de vinu
Sta manu mia
Era liscia e pulita
Mo è suzza de sangu
E ha stutatu na vita
La malesorte nda fatti scontrare
Purtroppu nd'iane tutelare l'onore
Ma quale onore
è sulu na fantasia
Storie de fessi
Storie de guapparia
Dicene in giru
"Ue t'ha fattu rispettare
Guarda quello è don Ciccio
Ca ha scannatu lu Tore"
Forse sta storia
Nun è troppu pulita
Storia d'amore
Storia de malavita
Successe tuttu
Intra nu menzu secondu
Storia de dritti
De rispettu
E de sangu.