Tenevo 'na paciona 'e 'nnammurata
Affeziunata, semplice e gentile
Doppo tre anne 'a capa ll'è avutata
E ll'è venuto 'o sfizio 'e mme lassà
Stò contro a tutt' 'e ffemmene
Pe' chesta 'nfamità
E 'na vendetta nera voglio fà
Mm'ho comprato 'nu mandulino
E mme metto for' 'o balcone
Quanno passa 'na signurina
Io lle faccio 'n'accordo in "Fa"
Po' lle canto chistu sturnello
Ch'è capace d' 'a 'ntussecà
Fli-ppò, Fli-ppò
Fli-ppò, Fli-ppò
Fiore di primavera!
La donna tiene i peli sopra il cuore
E io nun mm' 'a pigliasse pe' mugliera
Nemmeno se me l'ordina 'o duttore!
Parola mia
Parola mia d'onore!
♪
Diceva: "Tu sì tutt' 'o core mio
E se mi lasci teng' il vetriuolo!"
Po' mme guardava 'mmocca pe' gulio
'A 'n'atu mese avevam' 'a spusà
Nèh, quella 'o juorno quindici
Mme dice chesto a me
E 'o sidece, nun se fa cchiù vedè
E per questo col mandolino
Io mme metto for' 'o balcone
Quanno passano 'e ssignurine
Io lle faccio 'n'accordo in "Fa"
Po' lle canto chistu sturnello
Ch'è capace d' 'a 'ntussecà
Fli-ppò, Fli-ppò
Fli-ppò, Fli-ppò
Fiore di primavera!
La donna dice: "la capanna e un cuore"
Ma, quanno vede 'e ccarte 'e mille lire
Se mette pure cu 'nu scupatore
Parola mia
Parola mia d'onore!
♪
Succede ca mm'accatto 'nu giurnale
E trovo scritto: "Rosa Imperatore
Oggi si sposa con il tal dei tali"
E chist' è 'o juorno ca mm'aggi' 'a spassà
Faccio 'na cosa semplice
Ca ll'ha da fà svenì
Dice: "Ma che lle faje?" Mo v' 'o dich'i'!
Mme ne jesco col mandolino
E mme metto sott' 'o purtone
Quanno arrivano gli sposini
Lle cumbino 'n'accordo in "Fa"
Po' lle canto chistu sturnello
Ch'è capace d' 'e ffà schiattà
Fli-ppò, Fli-ppò
Fli-ppò, Fli-ppò
Fiore di primavera!
Chist'è 'nu matrimonio per amore
Ma tu, mio caro sposo, sta' sicuro
C'a San Martino vaje a fà 'o priore!
Parola mia
Parola mia d'onore!