'Nu juorno mme ne jette da la casa
Jenno vennenno spingole frangese
'Nu juorno mme ne jette da la casa
Jenno vennenno spingole frangese
Mme chiamma 'na figliola: "Trase, trase!
Quanta spingole daje pe' 'nu turnese?"
Mme chiamma 'na figliola: "Trase, trase!
Quanta spingole daje pe' 'nu turnese?"
"Quanta spingole daje pe' 'nu turnese?"
E io, che songo 'nu poco veziuso
Subbeto mme 'mmuccaje dint'a 'sta casa
"Ah, chi vò belli spingole frangese?
Ah, chi vò spingole, chi vò?"
E io, che songo 'nu poco veziuso
Subbeto mme 'mmuccaje dint'a 'sta casa
"Ah, chi vò belli spingole frangese?
Ah, chi vò spingole, chi vò?"
Dich'io: "Si tu mme daje tre o quatto vase
Te dongo tutt' 'e spingole frangese"
Dich'io: "Si tu mme daje tre o quatto vase
Te dongo tutt' 'e spingole frangese"
Pizzeche e vase nun fanno purtose
E ne può ghienchere 'e spingole 'o paese
Pizzeche e vase nun fanno purtose
E ne può ghienchere 'e spingole 'o paese
E ne può ghienchere 'e spingole 'o paese
Sentite a me ca, pure 'mParaviso
'E vase vanno a cinche 'nu turnese!
"Ah, chi vò belli spingole frangese?
Ah, chi vò belli spingole, chi vò?"
Sentite a me ca, pure 'mParaviso
'E vase vanno a cinche 'nu turnese!
"Ah, chi vò belli spingole frangese?
Ah, chi vò belli spingole, chi vò?"
Dicette: "Core mio, chist'è 'o paese
Ca, si te prore 'o naso, muore acciso!"
Dicette: "Core mio, chist'è 'o paese
Ca, si te prore 'o naso, muore acciso!"
E i' rispunnette: "Agge pacienza, scusa!
'A tengo 'a 'nnammurata e sta 'o paese"
E i' rispunnette: "Agge pacienza, scusa!
'A tengo 'a 'nnammurata e sta 'o paese"
E tene 'a faccia comm' 'e ffronne 'e rosa
E tene 'a vocca comm'a 'na cerasa
"Ah, chi vò belli spingole frangese?
Ah, chi vò belli spingole, chi vò?"
E tene 'a faccia comm' 'e ffronne 'e rosa
E tene 'a vocca comm'a 'na cerasa
"Ah, chi vò belli spingole frangese?
Ah, chi vò belli spingole, chi vò?"