Xe tanti ani ormai
Che son lontan de ti
Vecia Trieste mia
Son restá solo e
Gavevo voia de
Voia de compagnia
Alora un trevisan
Me ga mandà un bel can
Nato in un'ostaria
Però quel fiol de un can
Quel fiol de un can de un can
El iera sempre triste
No'l me fazeva mai le feste
Gnanca a mi che son el suo paron
Alora go mandà una cartolina
Una cartolina de protesta
Alora el mulo trevisan me ga risposto
El me ga spiegà perché
Solo davanti a un fiasco de vin
Quel fiol de un can fa le feste
Perché 'l xe un can de Trieste
Perché 'l xe un can de Trieste
Davanti a un fiasco de vin
Quel fiol de un can fa le feste
Perché 'l xe un can de Trieste
E ghe piasi el vin!
Da qualche mese in qua
A bever go impará
Come un fachin del porto
E in sta maniera so
Che un giorno sentirò
La mia campana a morto
Ma chi se ne... pardon!
Che i fazi pur din-don
Se morirò contento
Perché quel fiol de un can
Quel fiol de un can de un can
El xe cusì beato
Adesso el me lecca come un mato
Perché spuzo sempre più de vin
E so che 'l me vol ben, che go un amico
Per la prima volta in vita mia
E mi me basta un ano de sta bela vita
E po' sarà quel che sarà
Solo davanti a un fiasco de vin
Quel fiol de un can fa le feste
Perché 'l xe un can de Trieste
Perché 'l xe un can de Trieste
Davanti a un fiasco de vin
Quel fiol de un can fa le feste
Perché 'l xe un can de Trieste
E ghe piasi el vin!
Perché 'l xe un can de Trieste
E ghe piasi el vin! Sì!
E ghe piasi el vin! Sì!
E ghe piasi el vin! Sì!
Viva là e po', bon!
Viva là e po', bon!
Viva là e po', bon!
Viva là e po', bon!