Dixebra

Dixebra şarkı sözleri

Sanatçı   ·  ayda 4 682 dinleyici

Sanatçının Albümleri

Benzer Sanatçılar

Biyografi

Dixebra ye ensin dulda ún de los grupos más destacaos de la escena asturiana: de pioneros del rock na so llingua a decanos d'esti xéneru musical. Publicaron una docena de discos, toos ellos aclamaos pola crítica especializada y pol públicu. Los munchos reconocimientos que-yos dieron y la enerxía de los sos directos dan cuenta d'ello. Al traviés de les sos lletres y de la so música ta escrita bona parte de la historia de l'Asturies contemporánea. Testos que falen de la realidá cotidiana, de problemes locales y globales, de compromisu políticu, de denuncia social… too ello cola llingua asturiana como mediu d'espresión. No musical, ye un grupu de rock eclépticu qu'apuesta pola fusión ensin prexuicios. La pluralidá d'influyencies estilístiques tien que ver cola diversidá de gustos de los sos componentes: rock, punk, ska, rap, reggae, jazz, folk, funk… Dixebra son 35 años enriba los escenarios reflexando dalgunos de los grandes retos del mundu global actual: el diálogu intercultural, la multiculturalidá, la valorización de les minoríes identitaries, o la importancia de la acción pa camudar el mundu global. CDs y merchandising a la venta en www.musicasturiana.com/dixebra