နေသာတဲ့ နေ့လေးတစ်ရက်ရဲ့ တနင်္ဂနွေမှာ သူနဲ့ချိန်းထားတယ်
အရင်တခါဆုံဖူးတဲ့ ပန်းခြံခုံလေးမှာ မောင်လေရောက်နှင့်မယ်
ချစ်ရသူရယ်
စိတ်ကူးနဲ့ရောက်ကာနေပြီနော်
အတူတူချိန်းထားတဲ့ တနင်္ဂနွေဆီသို့
လွမ်းလွန်းလို့ အိပ်နိုင်မယ်မထင်ဘူး ဒီနေ့လေးမရောက်ခင်
အတူဆုံရင် သူကြိုက်တဲ့သီချင်းတွေ ဂျစ်ကားပေါ်ဖွင့်ပြီးကွယ်
အတူတူမြို့အနှံ့လျှောက်လည်ပြီးတော့ ဘုရားစုံအတူတူလျှောက်ဖူးမယ်
ဘိုင်စကုတ်ဝင်ကြည့်မယ် ရေခဲမုန့်စားမယ်
သူသိပ်ကြိုက်ရတဲ့ ယနေ့ခေတ်သီချင်းတွေ အတူတူဆိုဖို့ကွယ်
ဆုံတွေ့ချင်ပြီ ချစ်ရသူနဲ့
တနင်္ဂနွေဆီ မှန်းလို့မျှော်ရီ
ပြုံးမိပြန်သည် လွမ်းရပြန်ပြီ
အတူတူနီးမယ့်ရက်တွေ ဝေးလွန်းသလားလို့ မောင်လေလက်ချိုးရေ
ဟိုတစ်ခါသူပေးတဲ့ ရှပ်အင်္ကျီ အကွက်ကလေးကို လုံချည်နဲ့ဝတ်မယ်
မောင်ပေးတဲ့ မာဖလာလည်စည်းလေး စည်းကာ ရောက်လာမလားလို့
ကြိုတင်မှန်းစကာ ပျော်ရသည်
သူကြိုက်တဲ့သီချင်းတွေ ဂျစ်ကားပေါ်ဖွင့်ပြီးကွယ်
အတူတူမြို့အနှံ့လျှောက်လည်ပြီးတော့ ဘုရားစုံအတူတူလျှောက်ဖူးမယ်
ဗိုလ်ချုပ်ဈေးဝင်ကြမယ် ဆီချက်ဝင်စားမယ်
သူသိပ်ကြိုက်တတ်တဲ့ ပုလဲပုတီးလေးတွေ မောင်ရှာဝယ်ပေးမယ်
ဘိုင်စကုတ်ကြည့်တုန်းလေ မောင်အနမ်းတွေပေးရင်
သူလေ စိတ်မကောက်ဘဲနဲ့ ခွင့်ပြုဖို့တော့ မောင်ဟာ မျှော်လင့်နေ
အိမ်ပြန်တဲ့အချိန်ရောက်ရင် မောင်လိုက်ပို့ပေးမယ်
လူမမြင်တဲ့လမ်းထိပ်က လက်ပြပြီးတော့ မှိုင်ကာကျန်ခဲ့မယ်
ဆုံတွေ့ချင်ပြီ ချစ်ရသူနဲ့
တနင်္ဂနွေဆီ မှန်းလို့မျှော်ရီ
ပြုံးမိပြန်သည် လွမ်းရပြန်ပြီ
အတူတူနီးမယ့်ရက်တွေ ဝေးလွန်းသလားလို့ မောင်လေလက်ချိုးရေ
တနင်္ဂနွေဆီ