ū ū
Ah ah
Alafai Samoa I ata fasia
Faanoanoaga ua faanenefu ai o Lou olaga
Ina ua galulu le laueleele ma le alititai
Le matautia o galuega a le Matai
Ua oia ma feseetai faavae papa ole foafoaga
Mitiia le vasa ma tuaau ua ta i vasa
Tiliola i atumauga ua i fale le matega se faalavelave
Le Pule faitoatasi a le silisili ese
Eh! se vaaiga faamomoiloto
Vili'ia o le sami I le maemaea o le tsunami
Sisina loimata Ina ua fati toto matafaga
Ua susue fuefue le tai
Eh le feai o le a'u peau
Le iuleo auega o nai fanau o tauvalaau
Le agi faasulu o le matagi poo momoli mai Leo o le tagi
Leai se tasi e tu ma laveai
×2
O lou taeao pogisa lena
Samoa e ma Tutuila e le ma faagaloina
Le matuitui o lenei mala faanatura
Aua nei suia ai lou talitonuga
Aua nei suia ai lou faatuatua
Ua suatia loto ma agaga
Le tagi aue o Rasela ua lagona le leo i Rama
Le tagitautala a le fafine ua tafea lana fanau tama
Sa afisi I lona fatafata
Guguku o manu mala o le la
Ua lologo I le fatu le matuitui o lenei ta
Nai matua, fanau pele tanumia e le oneone
Ae ui I lea e faia le finagalo ole silisiliese
×2
O lou taeao pogisa lena
Samoa e ma Tutuila e le ma faagaloina
Le matautia o lenei mala faanatura
Aua nei suia ai lou talitonuga
Aua nei suia ai lou faatuatua
Samoa tatou fai ai le faafetai
Faafetai
Ua fai le Pule aoao a lo tatou Matai
Tutu lau lamepa ma e faamalosi mai
Loto tetele aua le faavaivai
Samoa tatou fai ai le faafetai
Ua fai le pule aoao a lo tatou Matai
Tutu lau lamepa ma e faamalosi mai
Loto tetele aua le faavaivai
O LOU TAEAO POGISA LENA
O LOU TAEAO POGISA LENA
Setema 29, 2009
7: 45
E LE FAAGALOINA