جاية لوصل رسالة مو جاية لحتى هينك
جاي لوصل رسالة مو جاية لحتى هينك
أنا عم دافع عنك من دون ما أعرف شو دينك
سمعان يابا كلمات أحن من الربابة
هي هموم الدنيا كلا فيني هي مالا عتابا
بمجرد إنك ناجح بيطلع ألف واحد ضدك
وكل ما تتقدم خطوة بيحتاروا مين بدو يصدك
أي بدك تأسقط تأسقط طيب أسقط الذنوب
البشر فاتت ببعضا وكلو عايش عالمقلوب
لو راكض ورا الشهرة ما كنت تارك حالي هون
الفرق بيني وبينك واحد إنو بإيدي مايكروفون
فيك تكون مجنون متل ما بدك فيك تكون
فيك تكون الشدة والضمة وفيك تكون السكون
صوتي أنا منو ملكي وهبت صوتي لإلكون
ولما بيقرر جمهوري بزت المايك وبعتزلكن
يابا كلمة ورا كلمة بالجملة بوزع رسايل
والضمير بالصيانة وكل العالم مالو سائل
بدك تشتري أفكاري بقدملك ياهن هدية
على البيت بمشيون لسمعك ياهن بغنية
أسمع كلماتي كلا بتخصك
وبغني حتى فيقك ما بغني حتى رقصك
ضميرك نايم بعرف بس قلي أيمت بيصحى؟
علامات الساعة طلعت كلو عم يستنى النفخة
وقتا الله بحاسبكن شو قدمتو بهالحياة
يلي عاش خاين كل حياتو وعلى الكفر مات
الهرج والمرج عم يكتر أيمت بدك تفيق
بكرا ما بفيدك لا أم وأب لا أخ ولا رفيق
لما الشمس بتشرق من الغرب بواب التوبة بتقفل
خلونا نتغير حتى رحمة الله علينا تنزل
صلة الرحم مقطوعة وحطينا عليها X
الصلاة شبه ممنوعة بنأديها بلا نفس
يعني ألهانا التكاثر حتى زرنا المقابر
هادا كلام ربي يلي بزمنا صاير
كل هادا من إيدينا ولك يا حسرة علينا
الحقد، الكره الفتنة بنارا انكوينا
الدنيا مالا معقدة بس نحنا عقدناها
مكشوفة وراقا كلا إلنا ونحنا ما فهمناها
ليش الحرام بيتحلل والحلال بيحرموه؟
طيب ليش كلام الرب هنن عم يكذبوه؟
إيمت بدنا نصحى ونعرف معنا كلمة السلام؟
إيمت بدنا نتوحد بكلمة مسيح وإسلام؟
إيمت بدنا نتوحد بكلمة مسيح وإسلام؟
ساعي بريد عايش أنا لوصل رسالة بهي
الدنيا ما عندي شي اسمو استحالة
اي كلماتي بدا تلف الدنيا ولي فيا
حتى توصل للبشر اللي اهتموا فيا
ساعي بريد عايش أنا لوصل رسالة بهي
الدنيا ما عندي شي اسمو استحالة
اي كلماتي بدا تلف الدنيا ولي فيا
حتى توصل للبشر اللي اهتموا فيا
ليه عم نخضع للتقسيم اللي فرق بقلوب الناس؟
وين الطيبة يلي فينا نسينا وين راح الإحساس؟
طيب سماع لما أضيع أنا كلامي بدلك
متل ساعي البريد رسايل بدي وصلك
مفكر حالك رجال لما عم بتذل الأنثى؟
إذا هي الرجولة برأيك معناتا انسى
اتذكر كل ما تتكبر تطلع تحت رجليك
خلقانين من طين آدم وحوا خلقوا هيك
وإذا وصلت للقمة خلي عينك عالسفوح
حتى ما تنسى يلي ساعدك لما كنت مجروح
يا أخي لا تكرهني جاي عم قدملك فكرة
بعرف حالي بكرة ميت تارك هالغنية ذكرى
مسلمة بلا حجاب طيب اشرحلي ياها
المعادلة مقلوبة غلط مين اللي سواها
ولك ارتقي بحجابك الله بالحجاب عزك
لا تكوني فتنة بالأرض و تخلي الدنيا تغرك
لا تسمعي كلام الناس هنن مهما لاموكي
قالولك حجابك مو لا بقلك هيك غيروكي
والله هالدنيا كلا عبارة عن امتحان
كلو عم يتسجل رح نتحاسب آخر الزمان
اعتصموا بحبل الله ولا تتفرقوا
هادا الكلام ياما اسمعتوه لكن ما نفذتوه
انقسام تام بالكلام وكل واحد من ديرة
وزحمة يا دنيا زحمة وكل واحد عندو عشيرة
والأطفال نسيت الطفولة وعيت ع بكير
القوي بيدعس الضعيف الغني بيذل الفقير
عم نميل للذنوب يلي غرقنا كلنا فيا
الفكرة بدا توصل لكن بدك تعرف كيف تحكيا
اعطيا بلا ما تقرا بتفهم كل يلي عم قولو
لأنو منو صف حكي بيلم بيسم بيعم الليل بطولو
امشي نتغير لنغير العيشة يلي عايشينا
امشي نرجع لـ الله حتى تنفرج علينا
كرمال الله يا بشر فيقو ولك شو صاير
فيكون وفينا كل واحد راكض ع حالو داير
طهروا قلوبكم اي طهروها
اغسلوا أرواحكم من العذاب اغسلوها
أي توحدوا لنبني بكرة فكرة كلمة وحدة
كلمة تمشي بلا منافسة على مسامع المعقدة
بدلو عباية الظلم بتوب أبيض
خالي من الشوائب ولك خالي من النفاق اي