غصت في بحر الهموم
في دنيا يوم بالية
ناسي ان الكل بزول
ناسي السنين غالية
روحي ليه مابيه المروق
في دنيا يوم زايلة
برمي فيك اسهم سنين
ما الدنيا هي الرامية
ليه بعاتب في الزمان
ما هو المصير فانية
روحي بيت مهجور زمان
فيه عنكبوت بانية
تهت ليه، نفسي ليه
كارهة ما راضية المصير العايشه ليه
ممكن تكون عايش قرون
بس في الاساس ثانية
ممكن تكون وسط الخيال
في رؤية ليك باينة
حاول افهم، كيف خلود
كيف بنرحل من وجود وليه وجود
ليه بتدعي . ليه سجود
كيف بتشهد وانت ما ضمن الشهود
همت في نفسي ونسيت انو النفوس مايلهة
دنيا لو ادت دهور صدقني هي الشايلة
لو غشاك الهم خليك دوام راسي
امشي دايما في الطريق لو كان طريق قاسي
وصلوا قبلك كم، لو كنت يوم ناسي
امشي في درب النجاح خليك دوام راسي
لو غشاك الهم خليك دوام راسي
امشي دايما في الطريق لو كان طريق قاسي
وصلوا قبلك كم . لو كنت يوم ناسي
امشي في درب النجاح خليك دوام راسي
افكاري زي شيطان رجيم كلماته غلابة
نفسي زى طفلة بتشيخ ما ناسية العابها
صادقة بس ممكن تكون في لحظة كذابة
هادية وقت الليل يحين بس ديمه مرتابه
انت ما بتقطع وعود
لكين سكوتك كان عهود
حتى النجوم سامعه وشهود
بكيتها اهدابها
انت في الاول قسيت
سديتها ابوابها
خليتها في النار والجحيم
خليتها في غابه
تنادي اسمك ياخي عود
انا عايشه من بعدك برود
انا بالي بعميه الشرود
خلوها اصحابها
يا الاغاني، يا المعاني
كيف اعود طفلا برئ في مهده تاني
يا زماني، ليه رماني
ضيق بعد كبرى اللعين الفي كياني
انا قمت في وسط السباع
حبيتها انيابها
روضت غزلان وضباع
وعرفت اكلابها
لو غشاك الهم خليك دوام راسي
امشي دايما في الطريق لو كان طريق قاسي
وصلوا قبلك كم، لو كنت يوم ناسي
امشي في درب النجاح خليك دوام راسي
لو غشاك الهم خليك دوام راسي
امشي دايما في الطريق لو كان طريق قاسي
وصلوا قبلك كم، لو كنت يوم ناسي
امشي في درب النجاح خليك دوام راسي