Partono 'e bastimente
Pe' terre assaje luntane
Cantano a buordo:
So' Napulitane!
Cantano pe' tramente
'O golfo già scumpare
E 'a luna 'a miez'o mare
Nu poco 'e Napule lle fa vedé
Santa Lucia!
Luntano 'a te, quanta maluncunia!
Se gira 'o munno sano,
Se va a cercà furtuna
Ma, quanno sponta 'a luna
Luntano 'a Napule nun se po stà!
E sonano ma 'e mani
Tremmano 'n coppa 'e corde
Quante ricorde, ahimmé
Quante ricorde
E 'o core nun 'o sane
Nemmeno cu 'e canzone:
Sentenno voce e suone
Se mette a chiagnere ca vo turnà
Santa Lucia!
Luntano 'a te, quanta malincunia!
Se gira 'o munno sano, se va a cerca furtuna
Ma quanno sponta 'a luna,
Luntano 'a Napule nun se po stà!
Santa Lucia, tu tiene
Sulo nu poco 'e mare
Ma, chiù luntana staje, chiu bella pare
è 'o canto de sirene
Ca tesse ancora 'e rezze
Core nun vo ricchezze:
Si è nato a Napule, ce vo murì!
Santa Lucia!
Luntano 'a te, quanta malincunia!
Ma, quanno sponta 'a luna
Luntano 'a Napule nun se po stà!
Santa Lucia!
Luntano 'a te...
Quanta malincunia!