Matagal na 'kong mulat
Sa ganitong larangan
Iba ang tunay
Sa nakikita mong larawan
Napaligiran
Pekeng kaibigan
Nand'yan lang palagi
Kapag meron na'ng kailangan
'Di ka papakinggan
Sarado ang isipan
Kailangan may makuha muna
Bago ka tulungan
Parang tren lang ng pinas
'Yung bunganga lagi na'ng may sira
Sa harap wagas
May paghanga pagtalikod may tira
'Di mo halata
Malupit kung siya'y makisama
Sanay na 'yung muka
Magpalit para 'tong artista
'Di siya masaya kapag ikaw ay umabante
Kung pagsabit ay yaman doon s'ya ay galante
Parang uso lang na teleserye mahilig mangbaba
Ewan ko ba kung bakit 'yan yung tipo n'yang diskarte
Tinuring mo na kababata
Itatrato kang piñata
Hihilahin pababa
Nang may mahulog at makuha
Parang surot sa may kama
'Di mo basta makikita
Kakagat ng palihim
Peste kung makapinsala
Nakakapagod lang din makisama
Sa mga wala ng pakisama
Nakakapagod lang din makisama
Sa mga wala ng pakisama
Lagi mong libangan na ako ay husgahan
Mga pinagdaanan at naramdama'y 'di mo naman alam
'Di mo naman ako naiintindihan
Mga opinyon mo ay pawang puro pangsarili lang
Pakinggan ang mensaheng sa'yo tatama
'Di mo ba nakikita yung mga tama
Biktimang maling tamang paniniwala
Tinamaan ng makasariling pag-unawa
Mali man ako sa'yong mga nakikita
Malinlang sa narinig na mga linya
Malinis ang ginawa ko na pagtira
Maliwanagan ka sa pagtila
Lagi mong libangan na ako ay husgahan
Mga pinagdaanan at naramdama'y 'di mo naman alam
'Di mo naman ako naiintindihan
Mga opinyon mo ay pawang puro pangsarili lang
Matagal na 'kong mulat
Sa ganitong larangan
Iba ang tunay sa
Nakikita mong larawan
Matagal na 'kong mulat
Sa ganitong larangan
Lahat may utang na loob
Pero 'di lahat kayang mag-bayad