Para san ba at nagsusulat ka
Natutuwa kapag nag-iisa't nagkukumanta
Nawa'y 'wag kang mangamba kung magugustuhan ba
Pagkat katuwang mo ang pagsusulat para sa katunayang may katuturan ka
Mapa-galit o pag-ibig, nangyayari sa paligid
Motibo o mithiing sinasalin mo sa hilig na sumulat, sinasakto pa sa himig
Nagmamarka ang bawat sumasagi lang sa isip
Ika'y nagbabahagi lamang ng kwento sa taong
Sa pagpapahalaga, hindi palaging may espasyo
Pagkat ang buhay, 'di pare-pareho ng senaryo
Na 'di tulad ng tula, hindi tugma bawat estado
Kaya 'di lahat naaarok ang sukat ng nilalarawan mo sa nais isulat
Kung 'di nila ramdam ang pinanggagalingang sugat
Damhin mo na lamang sa halip na makiusap
O pilit ituro pa ang punto kung sakaling
'Di makuha ng buo ang pagbuod mo ng detalye
Bukod sa mga nakikinig ng malugod, marahil
'Di lahat ay kasundo mo sa paghahatid mensahe
Ngunit anumang komento na namimikon
Tanggapin lang, 'di mo kaylangang humingi ng kondisyon
Tulad ng sulatang papel, dapat parang ikaw din 'yon
Na bukas sa lahat ng kahit anong opinyon
Dahil 'di lahat naaarok ang sukat ng komplikadong sulat mong higit kanino man
Ikaw ang nakakaramdam ng pinanggagalingang sugat
Kaya damhin mo na lang, 'di mo kaylangang makiusap
Ano kung walang amor o papuring nakukuha
Imbis na masuportahan ay sinasalaula
Ano kung sa pagpabor ng ibang tao'y mabigo ka
Wala mang naghahabol, 'di yan rason na huminto ka
Kung nasa puso't isip, tunay ka na malikhain
Gamit ang mga titik, ang ideya'y paganahin
Anumang paksa ang ibig mong gawin o talakayin
Kung ilan ang tatangkilik, 'di na kaylangang bilangin
Kaya nga at nagsusulat ka
Natutuwa kapag nag-iisa't nagkukumanta
Nawa'y 'wag kang mangamba kung magugustuhan ba
Pagkat katuwang mo ang pagsusulat para sa katunayang may katuturan ka
May katuturan ka
Magsulat ka lang
May katuturan ka
Magsulat ka lang
May katuturan ka
Magsulat ka lang
Magsulat ka lang