Doe hêls het neet mieë taege, mós mitdoon mit de res
Auch vastelaovend vierse noe mit smartfoon oppe tes
Mien vrouw zag: "Doe löps achter sjat, wêtse waat ich doon.
Ich koup dich veur de Carnaval 'ne sjlumme tillefoon"
Weer zeen noe verbónje daag en nach
Mer aan ein dêngk hauw zie neet gedach
Want es zie drök 06 veer maol de 11
Den huërt zie dök dit bèndje van michzelf
Hey, hoi, hallo, 't is hiej mit mich
Ich vier noe Carnaval en daorom dit berich.
Omdet ich trêk hiej door de sjtraote
Höb ich det dêngk mer oetgelaote.
Einde berich, ich sjloet noe aaf.
Laot get achter nao de piep, Alaaf!
Vastelaovend laat de batterie haos laeg ocherm
De tillefoon dae geit, ich zeen mien maedje op het sjerm
Ich zegk nog: "Hauwt het kort sjat, mien sjtreepkes zeen wuud op".
Mer ja, zoa is mien vrouw, es die begint kump die neet sjtop
Te laat, mie lempke det geit oet
Ich zeen dae blik al veur mich op häör sjnoet
Zie drök opnuuj 06 veer maol de 11
En huërt kerdju, weer det bèndje van michzelf
Hey, hoi, hallo, 't is hiej mit mich
Ich vier noe Carnaval en daorom dit berich.
Omdet ich trêk hiej door de sjtraote
Höb ich det dêngk mer oetgelaote.
Einde berich, ich sjloet noe aaf.
Laot get achter nao de piep, Alaaf!
De mood inne sjoon
Waat moos ich noe doon
Het zjweit al oppe kop
Mer gauw nao d'n tap
Dao liënde ich rap
Zónne klómmel mit nog sjtreepkes drop
Ich drök 06 ach maol de 7
En ich huër dit berich van miene leve
Hey, hoi, hallo, 't is hiej mit mich
Doe viers noe Carnaval, en daorom dit berich
Omdes doe trêks dao door die sjtraote
Höb ich os hoes alvas gesjlaote
Einde berich ich lêgk noe neer,
Ich pak neet op esse nog bels, väöl plezeer