Itipi so bhagavā arahaṁ sammāsambuddho
Vijjācaraṇasampanno sugato lokavidū
Anuttaro purisadammasārathi
Satthā devamanussānaṁ buddho bhagavāti
Svākkhāto bhagavatā dhammo
Sandiṭṭhiko akāliko ehipassiko
Opanayiko paccattaṁ veditabbo viññūhīti
Suppaṭipanno bhagavato sāvakasaṅgho
Ujuppaṭipanno bhagavato sāvakasaṅgho
Ñāyappaṭipanno bhagavato sāvakasaṅgho
Sāmīcippaṭipanno bhagavato sāvakasaṅgho
Yadidaṁ cattāri purisayugāni aṭṭha purisapuggalā
Esa bhagavato sāvakasaṅgho
Āhuneyyo pāhuneyyo dakkhiṇeyyo añjalikaraṇīyo
Anuttaraṁ puññakkhettaṁ lokassāti