Toota toota ek parinda
Toota toota ek parinda
Toota toota ek parinda
Toota toota ek parinda
Kahani us parinday ki parwaaz asmaani
Uraa jo leke beriyan
Zamane ki parwaa nahi
Wo Laabia ke paar uraa
Apni qataar uraa
Lagte rahe naaray ke bad-kirdaar uraa
Naam nelaam ruswa wo sar e aam
Is nagri haraam me hua wo badnaam
Bole karlo tum hijrat to badle gi qismat
Moat ke ghaat utaarain sab ki thi shirkat
Abhi hi wo ghonsle se nikla tha baahir
Nahi jaanta tha chonchle nahi dikhte bazaahir
Ke Qaahir ke hathon me khanjar yahan aam hai
Ke Tahir ke sar pe talwaar be niyaam
Haraam jo mujhse tera mukhalif imaam hai
Parinday ka phanday me sadiyon se qayaam hai
Parinda jo jhaptay to kaam tamaam hai
Parinda jo jhaptay to kaam tamaam hai
Aesa hi parinda aaj mera unwaan hai!
Besharam sab bol deta kesa bad zubaan hai!
Shetaan ke haan bhi kab se raaij iztiraab hai
Ke aese hi halaat phir kehlaate inqalaab?
Me aasron pe jiyun me wo wala shakhs nahi
Haasidon ke kandhon pe para mera takht nai
Badbakht nai berukh nahi me dabbi hui uff nai
Apne dafnaaye hain ye aqal mili muft nahi
♪
Me us sheher se pyaaray jahan music haraam tha
Me us sheher me palla jahan eemaan nelaam tha
Darwaazay pe the mulleh kehte chor do ye kanjar khaana
Kaafir kehne waalon me mera apna Mamu jaan tha
Rap ke to naam se ye sheher anjaan tha
Ham tab bhi the stage pe
Me tab bhi unwaan tha
School tha rawaana parosi ka khulla darwaaza
Andar se nikla beta bhaag gaya wo harbaraata
Pata chala qatal kar gaya baap bhai ka
Aik ghatiya si baat thi jaedaad ka tanaaza
Khare bus stop pe saamne dhuen ka baadal
Bomb ki awaaz hue shor se kaan band
Sab bhaage kahain niklo tum jaan bachaake
Ghar se thori dur hue teen dhamaake
Unchi emaarton ke sheeshe neeche tootay paray
Peron tallay niklay zameen jese kharay kharay
Kitne jaan'ne waalay us din hogaye jaa'n bahaak
Mere sheher ne to moat ka bhi bana dia mazaaq
(Mere sheher ne to moat ka bhi bana dia mazaaq)
(Mere sheher ne to moat ka bhi bana dia mazaaq)
Aik din loata school se gali jung ka medaan bani
Aamne saamne jaan'ne waale aik duje pe gun tanni
Baap ka tha dost bola bhaago ghar ke andar jaao
Bhaaga andar khirki me khara hua nangay paon
Golian chaleen lagataar das minute tha tha
Bachay ko lag gai jo sirf saat saal ka
Saat saal umar aur 9 golian cheerain jism
Bhaagi dono parties ke sar pe aagya qatal
Me khirki se dekh raha tha seedha uski laash ko
Khoon tha zameen pe nigaah aasmaan ko
Farishte the chup
Azraeel khara ro raha
Ghadaar kaho me sabke ke pol khol raha
Ghar pe badmaashon ne chala di thi goliyan
Unki pusht panaahi me Bilour jese chutiya
Aaj bhi me zinda ye muajzay se kam nahi
Me aaj bhi us sheher me himmat ne tora dam nahi!