Ginyang ginyang ginyang salider diak ei
Soso soso ssoso sabana soso
Ilia banda mudiak banda
Batungkek batang kamulau
Basuo nan ganjia bana
Gadang koncek pado kabau
Tinggi ruok pado boto
Gadang pasak pado tiang
Dek jalan mangango ngango
Tapijak galamai urang
Apo gala ambuak
Abuak rajo di ateh
Dima ndak kamabuak
Dapek bini pancimeeh
Apo gala kaniang
Kaniang kiliran taji
Dima ndak ka paniang
Sampai kini tak babini
Apo gala mato
Mato rajo mancaliak
Dapek minantu boco
Nyo baok honda ka dalam biliak
Apo gala pipi
Pipi pauah di layang
Bujang lapuak tak babini
Lah dingin sajo lalok surang
Apo gala talingo
Talingo tumbuah di lereang
Maleh wak mambao
Dima duduak sinan bagunjiang
Apo gala bibia
Bibia kulai mangulai
Yo bedo baranak pandia
Ndak namuah jadi marapulai
Apo galanyo gigi
Gigi tuak pangunyah
Apo ka guno bini
Ka pangasuah anak di rumah
Apo gala nyo lidah
Lidah tuak paraso
Asa sanang kau di rumah
Bia lah payah uda karajo
Apo ka gala daguak
Daguak awan tagantuang
Tamanuang yo sambia duduak
Galeh abih tak ba untuang
Apo gala bahu
Bahu rajo panyandang
Di siko mangko ragu
Awak pai inyo pulang
Apo gala siku
Siko patah mamatah
Banyak bana kandak kau
Mangko pai den dari rumah
Apo gala paruik
Nan paruik di bawah dado
Nan surang pandai manungkuik
Di dalam paruik lah ado pulo
Apo gala pao
Pao putiah mamutiah
Di siko mangko tabedo
Awak maintai urang nan buliah
Apo gala nyo kaki
Kaki untuak bajalan
Kok dapek bini nan kancang lari
Jo awak awak nyo tinggakan
Apo gala nyo tapak
Tapak dabiak mandabiak
Alah jaleh nyo nan pakak
Awak pulo nan nyo ariak
Apo gala ampu kaki
Mpu kaki rajo dahulu
Di siko garah di sudahi
Rabab sakian dahulu