Rimpeling
De rimpel in dien kovviekopke van vraauw smit
Het kovviekopke woar gain kovvie in zit
Mor een vingerhoud ole kloare
Nee vraauw Smit is gain roare
Mor ze slept zo lekker op een borrel s'aovonds loat
Dat dut ze in een kopke, want der wordt zoveul proat
En gordienen binn'n open dus elk en ain
Kennen her in der koamertje zitt'n zain
In dat lutje hoeske doar midd'n int loug
Krek tussen kerk en veurmoalige kroug
Kiek ze stilletjes wat veur zich oet,
Kroelt aofwezig over kat zien snoet
En ainmol troag kroep'n uren veurbie, kroep'n doagen
En moanden en joaren veurbie, en wat gebeurt er as ze
Doar zo zit, een rimpel in dien kovviekopke van vraauw Smit
Het hoes van vraauw Smit is al laang leed'n bouwt
En grond onder her vouten is al nait meer vertrouwd
Balken op zolder heurt ze kroak'n, ze ken der nait
Meer van sloap'n
Mor doar hef ze wat op vond'n veur s'oavonds loat
Al zegt ze nait wat is, want der wordt zoveul proat
En wat zigt ze as ze doar zo zit
Een rimpel in dien kovviekopke van vraauw Smit