Simm terroni simm miez' africani
'A strada è longa e camminamm' sempe.
Primma sunavamo tammorre e mandulini
Cantanno 'o cielo e 'o mare 'e Margellina.
Ma mò nunn è cchiù 'o caso, no nunn è cchiù 'o caso
È jut' 'a acito, tutt' cos' è jut' 'a acito.
Mò nunn è cchiù 'o caso, no nunn è cchiù 'o caso
È jut' 'a acito, tutt' cos' è jut' 'a acito.
A nuie c'abbrucia 'o sango dinto 'e vvene
Nuie che campamm' 'o juorno "a comm' vene".
Chesta città è comm' 'a 'na sirena,
'A voce doce piglia e t'ncatena.
Ma mò arripigliate vide 'e te scetà
Stà terra è bella ma nuie l'amma curà,
Nuie l'amma curà, nuie l'amma curà
E mò nun dicere ca nunn 'o ssaje già
Che 'o frate accire 'o frate e mai nisciuno s'è arrevotato
'Mbruglioni e cammurristi pe' 'na pagnotta l'ate vutate
A chi vvo fà l'onesto 'o pigliano sempe p' ffesso
Dinto a stì vichi antichi 'a vita è sempe 'na scummessa
Ma mò nunn è cchiù 'o caso, no nunn è cchiù 'o caso
È jut' 'a acito, tutt' cos' è jut' 'a acito
Mò nunn è cchiù 'o caso, no nunn è cchiù 'o caso
È jut' 'a acito, pizza, camorra e mandulino
"Signò acalate ca dimane nun ce vengo,
'E vulite 'e ceveze?
'O ciardino de' ffave fresche"
Parlann' 'e Napule, Parlann' 'e Napule,
Parlann' 'e Napule Napule, Parlann' 'e Napule,
Nuie simm' 'e Napule terra 'e conquista,
'A strada è longa e nun se vede 'a fine
Però 'nu suonno io mò 'o teness'
Che 'o figlio 'e chesta terra s' scetasse!!!