Tampen klatscht in't Water dat Schipp is nu free
Kurs veerdusend Mielen vörut up See
Farewell tschüss goodbye Larm un Gerappel
Hamburg New York in den grooten Appel
In dat Hart vun de Welt Wind Wind weih
Wipp up den grönen Rügg vun een Kattenhai
De Maand hievt sik hooch so root as he kann
Wellenpeer rieden den Ozean
Vörbi an Neefundland in een' Newelhoornnacht
Wi fiert een' "so-schall-dat-Lewen-sien" Dag
Dien Kuss smeckt na Kandidel knallverleevt bit unnern Kiel
Wulken groot as Engels "nothing is real"
Söben Daag lang Atlantik Land in Sicht
Lady Liberty gröön in't Morgenlicht
Backboord Ellis Eiland in'n Sunnenschien
De "Queen" maakt fast an'n Pier in Brooklyn
Maand över Manhattan de Stadt ruukt na Minsch
Coltrane un Dolphy krakeelt sik in'n Klinsch
Wer dat Lücht seehn will in de Broadway-Sluchten
Mutt in den Schadden kieken in düüster Luchten
Dreedusend Naams schreet ehrn Angst Albdroom
Seelenvagels klaagt in'n Septemberboom
Ik söök mien' doden Fründ ween mien Leed
"The life we have is very great"
Jeffrey Pike Hardy Gott weent in dien Leed
"The life we have is very great"
Un denn seeh 'k ehr se böögt um de Eck vun de Straat
In ehrn blauen Rägencoat – un allns is goot