Veni Creator Spiritus
Mentes tuorum visita
Imple superna gratia
Quae tu creasti pectora
Qui diceris Paraclitus
Altissimi donum Dei
Fons vivus, ignis, caritas
Et spiritalis unctio
Tu septiformis munere
Digitus paternae dexterae
Tu rite promissum Patris
Sermone ditans gutura
Accende lumen sensibus
Infunde amorem cordibus
Infirma nostri corporis
Virtute firmans perpeti
Hostem repellas longius
Pacemque dones protinus
Ductore sic te praevio
Vitemus omne noxium
Per te sciamus da Patrem
Noscamus atque Filium
Teque utriusque Spiritum
Credamus omni tempore
De Patri sit Gloria
Ejusque soli Filio
Cum Spiritu Paraclito
In saeculorum saecula.
Amen