حبيبتي يا مصراوية
حبيبي يا إسكندراني
من يوم ما عرفتك وأنتي مجنناني
مش قادر أبدًا أعرف إذا كنتي فهماني
هما ٢٠٠ كيلو بيننا لكن اللغوه محيراني
كل كلمة نقولها لازم نعيدها من تاني
هي طعمية لا فلافل؟ لغبطتي كياني
أقولك سدق تقولي سجق بس عجباني
يا ريتك كنت مصراوي
يا حبيبي يا إسكندراني
أنا أقول جومة أنتي تقولي أستيكة
أنا أقول لبانه وأنت تقول مستيكة
جومة، أستيكة، لبانه، مستيكة
خلاص مالناش عيشه مع بعض
أنتي تقولي أنا، أنا أقول أني
أنا أقول جنية، أنت تقول جني
أنا، أني، جنية، جني
خلاص مالناش عيشه مع بعض
أقول يا ناس بحبه، اسمها بنحبوه
وأستنى كتير في حبه، اسمها بنستنوه
أيوه، أيوه، أيوه
مالناش غنى عن بعض
♪
أنا أقول كوسة، أنتي تقولي كوسة
أنت تقول طماطم وأنا تقول قوطة
كوسة، كوسة، طماطم، قوطة
خلاص مالناش عيشه مع بعض
أنتي تقولي شنطة وأنا أقول كيسة
أنا أقول بسبوسة وأنت تقول هريسة
شنطة، كيسة، بسبوسة، هريسة
خلاص مالناش عيشه مع بعض
وأقول يا ناس بحبه، اسمها بنحبوه
وأستنى كتير في حبه، اسمها بنستنوه
أيوه، أيوه، أيوه
مالناش غنى عن بعض
♪
أنا أقول مشى وأنتي تقولي مشي
أنت تقول نسى وأنا أقول نسي
نسى، نسي، مشى، مشي
خلاص مالناش عيشه مع بعض
أنتي تقولي ع الناصية وأنا أقول ع القمة
وعشان عيونك أنا هروح هناك وأستنى
ع الناصية، ع القمة، هروح هناك وأستنى
خلاص بقى مالناش غير بعض
وأقول يا ناس بحبه، اسمها بنحبوه
وأستنى كتير في حبه، اسمها بنستنوه
أيوه، أيوه، أيوه
مالناش غنى عن بعض
أيوه يا جدع