كلمة أبرك من قصيدة مني للناس المريضة
أيوه مجدع بس برضو ضربتي ع الراس شديدة
عادي بستجدع وأجامل زي ما أتعامل بعامل
بس تيجي في يوم عليا حقي منك هخذه كامل
ياللي مستقل بيا طيبتي دي مش ضعف فيا
بس أبويا في يوم نصحني كله يا ابني إلا الأذية
خدتوا مني كثير وعادي ده بمزاجي وكنت راضي
اتلسعت منكم مرة بكرة هنفخ في الزبادي
عندي طيبة وحسن نية، سهل أسامح في اللي ليا
بس بقلب قلبتي صعبة وابن مين يقدر عليا
لو عليا خذ عينيا بس متعيشهاش عليا
أصلي طيب وبمزاجي بس مش لقمة طرية
بالتراضي ومش شاغلني بس اوعى تشتغلني
لحمي مر ومش بعدي زي ما عاملتك عاملني
♪
يا اللي عامل فيها أخويا وأنت داهن وش بويا
مش هآمنك مهما تعمل وحلفت برحمة أبويا
كنت مني وكنت شقي، بس خونت خلاص وحقي
هاخد اللي ليا عندك، مش هسيب مليم وأبقي
واللي بيمثل حكاية نفسه يكسب من ورايا
برضو عديتها بمزاجي عادي يعني بقول فدايا
عمري ما استخسرت خيري
عمري ما بقصر في غيري
بس هتمثل عليا المعاملة هتبقى ميري
كل واحد أصله باين المنافق واللي خاين
مثلوا وأنا هفضل أضحك كلكوا حبة زباين
لو عليا خذ عينيّا بس متعيشهاش عليا
أصلي طيب وبمزاجي، بس مش لقمة طرية
بالتراضي ومش شاغلني بس إوعى تشتغلني
لحمي مر ومش بعدي زي ما عاملتك عاملني