اللي بيني وبينك كان هو جسر
وأنت قطعتُه مبروك صاحب الغدر
بكرا بتنسى بتتذكَّرنا وقت موتك
ساعتها خلّي المصالح هي اللي تحمل تابوتك
بياع وشاطر
بسوق الأسحاب
لأنك بعت كل شي بيننا مبروك اندق الباب
افتح، مالك مطوِّل وأنت فهمتها تهديد
الوقفة والصحبة الصح بدها قلوب من حديد
وأنت بعدك قلبك طري لساتك مالك معاشر
بعذرك سنك صغير خيباتك بس أكبر منك
بنصحك بعِّد لبعيد عبَّي الكرامة بكياس
تفرَّج وتعلَّم منيح، المراجل كيف بتنقاس
إن كان بدك تعليم ارجع وإحنا ما بننساك
منعلمك فيك منهتم للناس تشوفك رجال
نحنا ولا مرَّة خسرنا وما مرَّة انعزَّينا فيك
أنت كنت علينا عبء والنخوة اللي فينا تحويك
كل اللي باعونا
وقفوا حتى يشوفونا
وقت اللي ما يبقى حدا
منوقع وقوف
كل اللي باعونا
بيتوجَّعوا منقوم
واللي قضّى عمرُه بالكذب
عن كذبُه ما بيصوم
كنا بغربة وكنا لاجئين
حطّيت فوقك سقف قولي بتشوفيها وين؟
أو بتلاقيها من مين؟
ما شفتيها من أبوكي
أنا الوحيد اللي كنت بصفَّك لما أهلك رموكي
مع هيك غدرتي وطلعتي تحكي فيني
وتقولي عني كلام استغربت إنك تأذيني
وبعدها راحت الأيام وعندي جابتك الأيام
مع الأيام رجعتي
بس خذلتك ما كنت تمام
لقيتي غير وسام
بدك يرجع اللي كان
تقولي نبدأ صفحة جديدة وكل شي راح بكون تمام
خدي حالك لبعيد
وابعدي كمان
خلّيكي عند اللي أذاكي ما رح ترجع الأيام
فيكي العزاء، إلك الباقي
دوقي السم وأنتِ الساقي
يمكن دَهوَرتي حالك بس أنا مالي متل الباقي
رح تنتركي متل أمك، حتدوري وما حتلاقي
وقتها لا تكذبي عحالك وتحنّي وتشتاقي
كل اللي باعونا
وقفوا حتى يشوفونا
وقت اللي ما يبقى حدا
منوقع وقوف
كل اللي باعونا
بيتوجَّعوا منقوم
واللي قضّى عمرُه بالكذب
عن كذبُه ما بيصوم
اسأل الناس يا ما كانوا يحكوا عنك
أنا اللي دافِع قول أكيد بالغلط بَدَر منك
أنا اللي عرَّفتك عالناس مو لتبيعني
وبضهرك كنت ضهرك ساندك أكتر منك
ما قلتلك يوم أمك كانت تتصل
تبكي عالخط قلها خلص عندي بكرا رح يشتغل
وأنت لاحق سهراتك، شو بدّي قلها
لا تواخذيني خالة ابنكم عنكم تخلّى
تحكي عني وسام تغيَّر مشان مصاري
إي أنا تغيَّرت ما رح اخجل من أفكاري
جرَّبتك كتير وقلّي ليش لشيل همك
فلوسي لأدعم أهلي فلوسك حق حبوب وماري
هاد تراك مو عتاب اعتبرُه تراك وداع
كلمتنا حتمشّينا وأنت بولدنتك ضياع
نحن افترقنا صاحب نرجع مستحيل
ولو مواقفك كانت معنا بتحكي كان قالت قتلك قليل
كل اللي باعونا
وقفوا حتى يشوفونا
وقت اللي ما يبقى حدا
منوقع وقوف
كل اللي باعونا
بيتوجَّعوا منقوم
واللي قضّى عمرُه بالكذب
عن كذبُه ما بيصوم