هل هي غواصة؟ من البحر طلع تنين؟
بل هو بطريق عظهر دلفين مع إخواته السلاطعين
جايي يصالح بني آدم مع بني داروين
نايم نومة أهل الكهف بغار أفلاطونيين
ثار الشك وفاق العفعل فيه
خيال النار عالحجر بطل يدفيه
والأسود لا يليق بي، والأبيض لا يليق بي
بطريق منشق عن دوخة مولوي بدور وراسي مستقيم
مين أول رسول رفع راسه نحو السما وتأمل الغيوم؟
مين أول مصدوم إنه الأرض عمبتدور؟
مين أول مبهور بالعلاقة بين النحل والزهور؟
بالكتابة بين السطور؟
والساحر الشاعر صار الكاهن الكاتب الواثق بمخ واعد
بالأساس كان العلم والدين مختبر واحد
بس الهرم اللي تعمّر بعرق ودم الفقير
باع الناس أساطير وخلّى مفتاح العلوم استرضاء كلب الأمير
حاشية مشعوذين حراس القصور، دراعات اخطبوط
كل ما قرب عالإكسير بيأخروني بيضطروني إني ناقش التكفير
جايي إحسم هالنقاش ما عاد بكير
فما تسميني جريء
أنا من صفاتي بريء
أنا مقنع نفاثات العقد بالمريء تفتح للصوت طريق
لما صابني فراغ حفظت ظهري منتصب
وفتحت براس راسي حبل ملتهب
للحق مرتغب
صورة لشرح "الشرح"
سورة لقطب الجرح
شو قيمة كتاب عظهر حمار بقلب خرج إذا مش سايسه طالب علم للفايدة
راهب محارب
مش ترميز تكثيف
ما عدت شايف الأخطار بالطريق محفوفة
أنا خلل بالمصفوفة خود الايقاع من جلدي إذا خزقولي دفوفي
بطريق فوق الجليد، لا أخشى بأس الحديد
لا أهوى العيش الرغيد، هيا يا أطفال
انتو مش متخانقين، انتو أصلا مش مقتنعين
ومخدرين من الجهتين تتحسوا حالكم منتميين وبالبطريق ايمان
هو ذروة التسليم بلا نهاية المجهول
هو الحافز المسؤول عن توسيع نقطة المعلوم
هو الكشف عن المفروغ منه عن المسكوت عنه المكتوم
عقل قبل التوكل، عمل قبل التوسل
ذكر قبل التوسد، فكر قبل التوقد
صيف قبل التلبد
إيد لفوق وايد لتحت، صلة مطر تعبّد
الموت مؤكد فرهاني الطبيعي عاللي مشكوك بأمره
الشك تفكر إذا الأخلاق ما بتدوب بخمره
ايماني الشك بيعمره
وتمسكي بيقيني دون الحجة بيدمره
مكعب ثلج، بتعرب كيف تجمره بلا ما تدوبه
كيف توجهه بلا ما تصوبه؟
كيف بتفهم نص إذا بتطوبه بتصوبنه عهوى وساختك
بتمعنه عشكل مساحتك
فيزيائي وما ورائي، حبال رموز
وحدة بايد اكاديمي، وحدة الجهل فيها قيمة
وحدة بيحرسها بوليس، وحدة كلمة "لا يجوز"
Salafis got the blues
ما في ربيع بلا نوروز
بسلم بالمجهول بس ما بسلّم لمجهول
توسّع المعلوم ما بوفر المجهود
عكس التناقض
بطريق عائد دائماً، بطريق لن يعو