خلي الحزن يسمك فوق الجلد سترة واقية
بتخاف من انفجاره بتركض تتخدرله حناك
بيبطل قادر يحكي بس ببطنه صرخة باقية
بتحطك بين بين بتشلك عن حراك
اخطر ركض بالغابة اامن من احلى كوخ
اذا بتستحلينا الراحة كيف بنتسمى المسوخ
غريب كيف جوا بيتك حيطك امان بتشوف
ولما بتنزل عالشوارع بتشوفها غابة باطون
بيجذبنا ندمر حالنا
تعودنا نسب الفقر ونفرط بمالنا
تعودنا نحارب مجتمع ونصالح افعالنا
تعودنا عالسهولة اللي مخباية بالصعوبة
اللي بترجع عالوجودي لتبرر نكث الوعود.
من حالنا؟ او في مين اوحالنا؟
بطل مهم هيدا السؤال ععاتقنا احوالنا
او عمين اللوم لمين مفكر تشتكي؟
للحاكمك للخاينك عمين مفكر ترتكي؟
عندك صناعة وموهبة عندك موسيقى متكتكة عنا بمحبة بينحكي. ضحيلها
تجاوز اوطى اشيا فيك تتعليلها. وحياتك حرام.
كيف ممكن بجوعي برر انكفائي عن صيد الطريدة؟
وبايدنا سلاح. سكاكين ورماح والحرف دبّاح هي اكيدة.
جغرافيا خدعة بس
كل المباني بتنربط مع بعضها بعواميدها.
فوين ما تكون انت الساكن المسكون
كل الوجود موصول متل حواجب فريدا
وإذا سألوك من وين، قلن أنا من مكان
يا بتنسى فيه أحلامك يا بتنساه
راسي اصطدام جرمين قلبي اختمار حرمان
سماكة جلد ميّت شي متل كعاب حفيان
كبتي انتشا خرمان رغم اختناق معتاد
ولا مرة كبرنا لأنه ولا مرة كنا ولاد
كانوا فريرو جاكو يغنوا كنا نتابع الأنبا
نحاول نفهم الأسباب ليش الفرد بالشروال
وبتطبع تعابير الوجه أكتر من الأسما
عبوس عبوس وجبال محبة بالأعماق
قصدك نيمو قصدي اللي ناموا مع الأسماك
حقاً قاموا فيه بذاكرتي أنبيا
أنا من مكان يا بتنسى فيه أبطالك يا بينساك الزمان
يا العتمة يا الدم، عايش عسيف