Zeue Tage, Tage zeue mi (check)
I wott so viu erreiche i so wenig Zyt
Und i weiss, irgendwie wirdi ds schaffe
Verteile tagelang und ou i Nächt mini Gedanke
Und hüt bringi die Lines, wie ne Dealer
Ha hüfig Lüt um mi ume doch i bine einsame Spiler
Villech ou nur drum wüu ds mir e chli Glück bringt (Codec O)
I entferne mi vom Chaos und de Grenze wie Flüchtling
Uf dr Suechi nachm Glück wie Epikur und Kant (Kant)
Mach öppis, lieb öpper, hoff uf öppis und
Verdräih di nid für irgendöppis für irgend e Grund
Und im Stundetakt bsinn di dem Grund wieso ds machsch
Wird verzerrti Wahrnähmig barmherzig verfougt
Vo profitgstürte Gstörte empörts mi si Sou
Jede Zwang isch drnäbä
Doch es git keh Zwang unger Zwang müesse z'läbe
Versteisch mi Diggi? (Diggi)
Und we me mi fragt "was isch di schönschti Zyt im Läbe?"
De chani mi nid entscheide zwüsche Sunneschin und Räge
Ey unbegränzti Glägeheite blände eim
I verwände täglech mini Müglechkeite
Glück verteile mini Mission i dere Zyt wo jede umkippt (kippt)
Jede Stress i sim Business u ner usflippt (flippt)
Ey u Kunscht a dem Ganze, häb e Ussicht (sicht)
Ja ds schaffe a dem Troum isch mis Ruschgift (ja ja)
U für jede wo chli wott machi Glück wieder frei
Verhandlige mit Geischter übernimmt dini Sorge
Hey du weisch, Tage zeue sech vo ganz ellei
Für schlächti Vibes hani ni viu übrig ussert Blei
U für jede wo chli wott machi Glück wieder frei
Verhandlige mit Geischter übernimmt dini Sorge
Hey du weisch, Tage zeue sech vo ganz ellei
Für schlächti Vibes hani ni viu übrig ussert Blei
Suechsch verbländet nach Erfoug?
Hesch du z'chille vergesse? (was meinsch?)
Isch e guete Lohn Himmu uf Erde?
Und hesch di schomau gfragt öb dini Richtig no kennsch?
Isch dis gröschte Ziu würklech e siubrige Benz?
Oder hesch grössers i dim Läbe vor?
Richtisch dini Ziu nachm Cash oder Tröim und Erfüuig us?
Ey nach Tröim und Erfüuig us?
Richtisch dini Ziu würklech nach Tröim und Erfüuig us?
Frag di ds mau gschider, wüu Zyt rennt
Mit jedem Jahr es bizli gschwinder und irgendwenn
Isch es Jahr nur no e Ougeblick und aues isch verschwunde
Ey aues plötzlech wäg wi bimne Zoubertrick
Und immer wieder chlopft die Zyt ad Türe, Tate witerfüehre
Verlasse aber stüre ni nach Navi nur nach Gfüuh
Tröime z'viu, Bonne Chance, flüge übers Meer
Ghei mit dr Zyt ine Trance
U für jede wo chli wott machi Glück wieder frei
Verhandlige mit Geischter übernimmt dini Sorge
Hey du weisch, Tage zeue sech vo ganz ellei
Für schlächti Vibes hani ni viu übrig ussert Blei
U für jede wo chli wott machi Glück wieder frei
Verhandlige mit Geischter übernimmt dini Sorge
Hey du weisch, Tage zeue sech vo ganz ellei
Für schlächti Vibes hani ni viu übrig ussert Blei