Schleipfe schwäri Scheiche düre Sand
Ohni Ziu vor Ouge, ohni Charte ider Hand
Nume d'Sunne um mi ume womer Tage ume Chopf schlaht
Murmle vor mi here, mini Hoffnig wird zum Dogma
Geier kreise, dr Tod atmet lislig
U dr Kompass zeigt i jedi fucking Richtig
Ha sit Tage nüt meh gässe und es chert mr dr Mage um
Lige a Bode i dr Luft kreische Adler und
Bitch i bi ne Vagabund
Hoffe ds dr Tod mir nid nachechunnt
Di Hitz drückt ufe Chopf, i chüble gd a Bode, bi verdammt
Am liebschte würdi hie verdore
Aues dräiht, mini Ouge zeichne Polygon
Dr Himmu wandlet sech, dr Mond erschint am Horizont
Jedi Nacht macht di Wäut es bizli runder
Schliche mi i Schlaf ider Hoffnig ufnes Wunder
Heregah, säg säg wo söu ds heregah
Vagabund, i bi ne Vagabund uf dr Reis
Heregah, säg säg wo söu ds heregah
Vagabund, i bi ne Vagabund
Heregah, säg säg wo söu ds heregah
Vagabund, i bi ne Vagabund uf dr Reis
Heregah, säg säg wo söu ds heregah
Vagabund, i bi ne Vagabund
Mit verwirrtem Blick checki mau d'Umgäbig ab
Wie orientiert me sech a nüt? Wie überläbi das?
Dr Wind pifft, Ouge füehle wie nach Tränegas
Wieso bini los? Wieso hani de Fähler gmacht?
Ha scho lang vrgesse woni herewott
Halluziniere wenni bäte fürne Regetropf
Wi benomme fougi eifach mine Bei
Si si wi Blei, hoffe si bringe mi Hei
Mini Ouge träffä blau, i bechume endlech Klarheit
Seckle uf di Küste zue wüu mi Chopf uf Alarm zeigt
Trinke usm Meer, füehle mi wi Gott
Bi am Ändi voder Reis u gniesse jede Tropf
Z'Glück verflügt schnäu, Sauz tröchnet ufdr Lippe
Wird erfasst voder Wäue und verände ader Klippe
Lug wini tribe vor dr Küschte no für Stunde
Dr Geier kreiset flissig um mi ume sini Runde
Heregah, säg säg wo söu ds heregah
Vagabund, i bi ne Vagabund uf dr Reis
Heregah, säg säg wo söu ds heregah
Vagabund, i bi ne Vagabund
Heregah, säg säg wo söu ds heregah
Vagabund, i bi ne Vagabund uf dr Reis
Heregah, säg säg wo söu ds heregah
Vagabund, i bi ne Vagabund