I weiss mängisch nüm was i söu gloube
Di meischte chönntes schaffe, doch wei sech nid vertroue
U nimmts eine id Hang u wott si Plan verfouge
Wird er missverstande und beobachtet vo aune Ouge
Meinige chöi töte, fauschi Blicke si wie Gift
Lahs nid ah di here, ds isch tödlech wes di trifft
Stang uf di Bühni, verzeu üs dini Gschicht
U zeig di ändlech grösser aus di Schatte wode wirfsch
Mir müesse checke, dass jede vou mit Fähler isch
Me cha ersch liebe weme zfride mit sech säuber isch
Sit wenn si Likes u Klicks wichtiger aus wär me isch
Vergliche üs jede Tag im Social Media Närvegift
Zeige üs perfekt, aui spinne im Netz
Üsi Sinne verletzt, spitte di Zile i Text
Bis me irgendwenn checkt mir si töif inne vernetzt
Auso schadisch wede hassisch nur dir säuber du Kek
Dä rappt so arrogant und in real ischer e gstörte Cheib
Bitte löht de Seich wüu du nüt vo mir persönlech weisch
Und iz nomau langsam für jede wos no nid versteit
Codec isch e Kunstfigur und nid mini Persönlechkeit
Zieh dis Ding, ganz egau öb jede luegt
Mir hei aues was mr wei, ds isch immer no nid gnue, no nid gnue
Jage mini Tröim bisi Rueh fing
Jage mini Tröim bisi Rueh fing
Zieh dis Ding, ganz egau öb jede luegt
Mir hei aues was mr wei, ds isch immer no nid gnue, no nid gnue
Jage mini Tröim bisi Rueh fing
Jage mini Tröim bisi Rueh fing
Plötzlech ligsch ufm Sterbebett mitm letschte Wunsch
Dass du gern läbe wettsch, ds heisst im Endeffekt
Dassmr besser liebe anstatt hasse, nid lire sondern mache
Nid uf öppis warte sondern d'Lideschaft entfache
Di einte finge was si sueche angeri blibe sech frömd
I mache was i liebe has no niemaus bereut
I weiss genau, dass o i dir e Lideschaft brönnt
Ey säg wi sehr muesch du di hasse, dass du niemerem gönnsch
Und o wenni iz grad töne wine Guetmönsch
Weiss i, dass i mir inne immerno d'Wuet brönnt
Mängisch hätti gern Prinzipie, dassi weiss wini sött läbe
Doch z'Läbä isch kompliziert drum lah mi tribe wine Fädere
Aber ufs Herz tueni lose, ds isch gar ni mau so schlächt
Liebi fingt dr wäg o ohni Navigationsgrät
Uf z'Herz tueni lose, ds isch gar ni mau so schlächt
Liebi fingt dr wäg o ohni Navigationsgrät
Zieh dis Ding, ganz egau öb jede luegt
Mir hei aues was mr wei, ds isch immer no nid gnue, no nid gnue
Jage mini Tröim bisi Rueh fing
Jage mini Tröim bisi Rueh fing
Zieh dis Ding, ganz egau öb jede luegt
Mir hei aues was mr wei, ds isch immer no nid gnue, no nid gnue
Jage mini Tröim bisi Rueh fing
Jage mini Tröim bisi Rueh fing
I liebe mi Brüedsch über Aues, skr