Cösta é na storia
Scrita a rimes sön na plata
Aria cialda, jont co baia, co se baudia
Y dopo sciampa
Mo nia Anna, era bala ma con só corp
Lasciada sora
Plena de ponsiers y domandes
Sonza brances por pié do
O zacai co gnea a la do
Con na ombrela sot la plöia aspeta
Popa de porzelan
Sciampetan tö dal malan
Da söes grifes entres prontes
Tö baie, tö montes, te sontes
Che val de gran te damana da fa para
Vir y empara
Edli daverc fora por strada
Le tomp te pö sté chit
Can che sen tö bales sora te töa ciamena
Te tó monn sonza sonn
Te tó monn sonza fin
Can che i edli slüji
Tal scür dla net
Enlo sonti empó töes mans
Co mo stopa te mio freit
En vare endo l' ater
Sclisorei te töa löm
Na ega saubra la mies mans
Y le ci ven endo bröm
Pazionza y tabac
Gonela y cialzá dal tac
Entres sön les pizes a tomp bales
T' armeres desco fates
Lasciades ledies farfales
Tai pres entres en flú
Con töa storia, saraste bona
Da varí y da fa gní fora
Nosctes animes a se fa na roda
Ciara ola che tö vas prinzessa
Y proa da romagne entres te entessa
Tai edli dai atri, to rifless
T' en mer plen de parores nodeste
Modes, co ne te azica nianca
Tö ponses ai vari
Y acutes en atra ciancia
Popa bala, popa bala
Preitambel fejele por me
Armer chel corp fin
Tal infiní dal tomp vir
Ma chel co veiga sen
Le goto entres mez plenn
Y nia con la saú da sen
Mo con chera da ciamó
Y sce döt te pö enzescü
Tö proete entres deplü
Can che i edli slüji
Tal scür dla net
Enlo sonti empó töes mans
Co mo stopa te mio freit
En vare endo l' ater
Sclisorei te töa löm
Na ega saubra la mies mans
Y le ci ven endo bröm
Bala desco sce al foss l' ultimo iade
L' ultimo tango
Bala por me almanco
Sen che da sora i ni te ciari
Ince sce i ne te veighi nia te sonti
Ont co sofla sen te tü ciaveis biondi
Ingordi, damana do le terzo bis
Ai ne n' á mai asá
Ai ne sa nia
Che tö ne bales nia por scioldi
Mo por liberté dal anima
Le respet se davagnun söen
Sanben nel nia sauri
Da sla ri
Can che döt te fej me
Y vigne muscolo te damana do pieté
Mo tö no bradlé
Sterscia desche t'es
Desco töes raisc dal Est
T' en cest, este gnüda motüda
Dan da na scora da balé laciada,
Con la speranza
Che ai te daidass
Y te dess na vita
Te ensegnass da t' armere a tomp
Y da ne sté mai chita
Picia möta é sen na era
Co se recorda y mai dejmonciará
Dal pröm dé che ara s'à
Motü chi bi cialzá
Can che le scür mo da la mann
Y l' öt mo fej ste mal
Te chiri tla löm tal ci
Te chiri sora i ni
Can che le scür mo da la mann
Y l' öt mo fej ste mal
Te chiri tla löm tal ci
Te chiri sora i ni
P.s. to tata