توت توت عا بيروت يا بيي خدني مشوار
شلحني حدك بالسرفيس واربطني ببكلة وزنار
توت توت عا بيروت يا بيي خدني مشوار
شلحني حدك بالسرفيس واربطني ببكلة وزنار
قال لي إستاذ الإنشاء قبل ساعة من الفكة
إنو جدي المير بشير كان بيستاهل دبكة
إستاذ التاريخ... فنجر عينه وقال
هيدا إللي ما شاف المتحف... جاهل وثرثار...
توت توت عا بيروت يا بيي خدني مشوار
شلحني حدك بالسرفيس واربطني ببكلة وزنار
توت توت عا بيروت يا بيي خدني مشوار
شلحني حدك بالسرفيس واربطني ببكلة وزنار
وقفنا قدام باب المتحف عتمي وريحة عطن كتير
خفنا قلنا المتحف مهري عفنت دقن الأمير
فتنا على المتحف عاروس الأصابع بيِّ يدفشني لقدام، وأنا قلبي طاير
صرنا نمشي، صرنا ندور نتطلع عا لداير
والقصص بها القبور شي نازل شي طالع
هيدا تحتمس الثاني... هيدا الملك اليوناني
هيدا هنيبعل الحامل هالقوس... ونشاب
ماشي خلفه يا ستار سراق ونصاب
فجأة ما دريت وحسيت إلا بقلبي فز وقام
تعربطت بركبة بيِّ أحسن ما أهوي لقدام
هيدا المير مكوم هون يقصف عمره خوفني
ما في لون جنس اللون شي نكزته الغبرة عبتني
في ملك فرنساوي مكوم فوق المير بشير
تطلع فيِّ وجأرني يا دلي شو بدو يصير
فات الحارس طاير عقله صار يشدلي بأدني
صار المير يضحكله بالسكين ينكوزني
استاذ التاريخ ياه ياه فرنساوي انت بتحكي
وينك هلق قرب شوف عربي، فرنساوي وتركي
إجو البوليسيِّ وجيوش وعسكر
من الجمهورية إجى الراس الأكبر
وزمامير ودق طبول وبيارق وبواريد
بلوا إيديهم فيِّ وأخدوني على العدلية
و يا بييِّ دور وروح على مدرستي العالية
قول لأستاذ الإنشاء يعلم رفقاتي هو
ويا طريق العدلية شوفي شو صاير فييِّ
كذبوا علينا بالتاريخ وطلعت الدبكة فيي
يا هال لبنان يا لوح الصف يا كتاب الخرائط، يادبكة ودف
درسنا تواريخ حفظنا تواريخ إجا التاريخ طعمانا كف
يا بلد المير يا هم كبير يا علم العيد علم على الرف
انطرينا انطرينا بيروت انطرينا
بأخبار جديدة منلفك لف
يا متحف بلدي يا فاضي البال يا مير الكذبة إنبسط الكف
يا ها لبنان يا لوح الصف يا كتاب الخرائط، يا دبكة ودف
درسنا تواريخ حفظنا تواريخ إجا التاريخ طعمانا كف