لا تمل بس قلي شفيك
واقعي صاير مزري
لا تمل بس قلي شفيك
اقوم الصبح على اصوات اذان وسفاتي بوليس
مصمّت الجوال عشان ما يخربلي حلم باريس
ويوم الجمعة صرت اشوفه زي يوم الخميس
احساسي الديني زي احساس شياطين بغياب ابليس
طفشنا واحنا ناكل هرفي وشيك شاك وبيف BigMac
بسجل نادي واطلع Six Pack
طفشنا والاوروبيين يحسبونا اغنياء
والـAverage الشاب السعودي اللي بجيبه مايجيب بيق ماك
صفحة الصحبة بياض
دايم شعور الوحدة
وقت الزهقة والفراغ
افر بشوارع الرياض
حتى يوم جربت الحب
نادم على اليومين
صارت تحكّي كل اصحابها على اني ملعون والدين
رغم اني انا الي كنت اعطي
هي طفرانة
وظيفتها بمحل مكياج وتتصل علي قرفانة
بالبداية كنت اشك
سنابها كله عيال
وانا الوحيد اللي فيهم عشاها بـ400 ريال
تسوق الهبل عاللي سايقو!
ما ثمر فيها الخير وبالنهاية اكتشفت انها طلعت سايكو
كنت فرحان بالسعودة بالشركات
رحت اتوظف فقمت اقدم CV وملفات
كل ما ادخل مكان استغرب اللي صاير
الرجال اقل وظايف وكل الادارة بنات
الواقع مغاير يوجد عطل
زمان محجوب لكونك مرأة
اليوم انا مدان لكوني رجل
احنا ندعي الثقافة وندعي تمام العفة
لكن لسبب ما فشلنا نوازن الكفة
اطلع الشارع وتشوف كل العينات
اشعر بغرابة بينهم كأني جاي من محميات
لما يكثر الـGays وزيادة نسويات
فالنتيجة اتوقع واضحة ما يبيلها رياضيات
علمونا لكل مجتهد نصيب
اذا صحت المقولة فأنا انتظر نصيبي
بالميوزك سبع سنين
والنصيب مو ذاك الزود
من وانا صغير وانا حلمي اطلع عالـStage اغني فيه
مابقول الواقع شين ولا اقول الواقع مزري
بس مرات تحز في نفسي لما اصارح فكري
حط نفسك مكاني وانت صغير بتحلم توقف عالـStage
ولما تكبر تشوف فوقه رابر...
مو قصدي لعانة وحسد بالعكس اتمنالهم خير
كلامي بشكل عام لا تاخذه حش بالغير
لكن القصد فنانينا اولى فيها
لو ما بنينا صيتنا هنا فالشهرة وين نبنيها

واقعي صاير مزري
لا تمل بس قلي شفيك
مزري مزري