À mezu à la rena di u disertu
Nantu à una spianata è à l'apertu
Mediteghjalu puru u gestu offertu
Tù chì voli murà
A petra di l'avvene
Citadella da fà
Di speme per dumane
U nimicu circonda li to lochi
È ne vedi ogni tantu li so fochi
Chì ti facenu a spia s'è tù ghjochi
Tù chì voli pisà
La to casa di mane
Ùn ti manca da fà
Pè le strade suprane
Chì tuttu hè scambiu è leia trà di noi
Trà la guerra è la pace ch'è tù godi
È capiscimi avale s'è tù poi
Tù chì voli sallà
L'amicizia di pane
Cù lu snague à metà
Di fraiata di cane
Di fraiata di cane
Ti sente sopr'à l'osse a pelle macca
Quand'ì tù stringhji li to pugni in stacca
L'ochji fissi nant'à la negra tacca
Tù chì voli fighjà
U celu di dumane
È ci voli caccià
Tutte l'idee vane
Tutte l'idee vane
Ma dorme ùn poi più, ùn dorme mai!
È rifletti à quesse le veritai
Chì t'avvinghjeranu tantu oramai
Tù chì voli crepà
Tutte le forze arcane
Quelle di l'aldi là
Inseme à le terrane
Inseme à le terrane
Tù chì voli crepà
Tutte le forze arcane
Quelle di l'aldi là
Inseme à le terrane
Inseme à le terrane
Tù chì voli crepà
Tutte le forze arcane
Quelle di l'aldi là
Inseme à le terrane
Inseme à le terrane