Yeah, Double Kanon
تحب تعرف واش نتمنى؟
قول لي، تحب تعرف واش نتمنى؟ Yeah
أنا من قلبي نتمنى لهاد الأمة
والله غير الخير باش الناس الكل تتهنى
تنسى همها وتروح المشاكل
ما نبقاوش غير نخموا على واش نلبسوا، على واش ناكلوا
ونتمنى أنو صح أي إنسان
يفهم باللي الدنيا راي مبنية عالأوهام
راي مادة وأموال، راي زينة وألوان
وكلش راح يفض مع ليام ولعوام
نتمنى أنو كلامي راح يفيد
باه les jeunes تاع اليوم، ما تروحش هاكاك فالـ vide
L'espoir خليه فيك مهما يكونوا الصعوبات
مهما يكونوا الأسباب، يجي نهار الصح يبان
لأنو العباد فهاد الحياة آي كي المسافر
نعيشوا يَّامات ومبعد اللي والا فينا يسهل
الأمر ساهل، آو حنا برك اللي هملنا
ربي يهدينا، هدايا juste واش نتمنى
Hey, هذا هو واش نتمنى
نحب نشوف الناس الكل هنا تتهنى
وles problèmes الكل تفوت
من الشرق للغرب، من الشمال للجنوب
Hey, هذا هو واش نتمنى
نحب نشوف الناس الكل هنا تتهنى
وles problèmes الكل تفوت
من الشرق للغرب، من الشمال للجنوب
نتمنى أنو بلادنا تتطور في أقرب وقت
مشني حابها تزيد تطول
ندور الصفحة وجديدة نبداها
والجماعة اللي دات، خلي بينها وبين مولاها
نتمنى أنو تنقص العداوة
واللي مريض بالحقد، إن شاء الله برك يداوى
نتمنى نكونوا خاوة بالرحمة بيناتنا
ونمحيوا هاد الفتنة اللي همها jamais فادنا
نتمنى أنو الـ jeune يشوف المستقبل
بالفرحة والخير، مش بالموت والخوف فالرقبة
نتمنى يقرا باش يجيب الشهادة
ويتعلم الصنعة باش تعيشوا بالشهامة
نتمنى الشي هذا ومام نتمنى أكثر
ما بقيتش نحمل نشوف الدموع قاعدة تقطر
والله نتأثر بهاد الحزن والبكا
ونقول، "سبحان الله! الحل بين يدينا حنا"
Hey, هذا هو واش نتمنى
نحب نشوف الناس الكل هنا تتهنى
وles problèmes الكل تفوت
من الشرق للغرب، من الشمال للجنوب
Hey, هذا هو واش نتمنى
نحب نشوف الناس الكل هنا تتهنى
وles problèmes الكل تفوت
من الشرق للغرب، من الشمال للجنوب
نتمنى يسمعوني السوريين
قلوبنا معاكم بصح يدينا مسلسلين
نتمنى أنو بشار الأسد
يتحشر مع مرتو في جيدها حبل من مسد
نتمنى أنو تونس ترجع خضرة
والأمور تهدا وما تبقاش هاكا مخلطة
نتمنى نشوف ساحة التحرير
مصريين متحدين بلا قتل وبلا تحريق
نتمنى أنو القمع يولي حابس
من الأردن لطرابلس، من غزة حتى نابلس
مشني يائس قدام قوة إسرائيل
ما زلت نتمنى استقلال فلسطين
نتمنى ساعات تبان لي مستحيلة
كي نشوف هاد الحالة وما باليد حيلة
Mais الحيرة أنو قلبي راو متحقق
باللي يجي نهار والأمنيات تاعي تتحقق
Hey, هذا هو واش نتمنى
نحب نشوف الناس الكل هنا تتهنى
وles problèmes الكل تفوت
من الشرق للغرب، من الشمال للجنوب
Hey, هذا هو واش نتمنى
نحب نشوف الناس الكل هنا تتهنى
وles problèmes الكل تفوت
من الشرق للغرب، من الشمال للجنوب، hey
(Yeah, هذا هو واش نتمنى)
(الخير يعود بيناتنا)
(القلوب تتصفى)
(من الشرق للغرب، من الشمال للجنوب)