المصلحجية كثروا، والناقصين ريحتهم فاحت
وعيال في اللفة كبروا في معلمينها طاحت
أصلب طولك يا ظهري، خليني على حيلي واقف
ما تطمعهومش فينا لا يقولوا هيبتنا راحت
أبطال كلام وفعل مفيش، عضلات منفوخة قش وخيش
الله يرحم زمن الرجولة، بقى كله خلاص بياكل عيش
أصحاب ولا يعرفوا التقدير، ولا في إخلاص خلاص للغير
كله بيجري وراء مصلحته، العشرة كاسرين وراها زير
معك فلوس هيحترموك، مامعكش بالرجل وهيشوطوك
هتشخلل جيبك هتعدي، والكل بالحضن هياخذوك
مبقاش في حد عنده ضمير، ولا حتى في اِحترام لكبير
والدنيا باظت يابا ع الآخر، واللي ركبوا الموجة كثير
ثوب الرجولة اتهرى من كثر ما لبسوه عيال
ولا عادش في مرجلة والكل بقوا أندال
قلبت، قلبت خلاص معيلة والسندال حاله مال
وخلاص بقت هرجلة والسالك الشمال
ثوب الرجولة اتهرى من كثر ما لبسوه عيال
ولا عادش في مرجلة والكل بقوا أندال
قلبت، قلبت خلاص معيلة والسندال حاله مال
وبقت خلاص مهزلة والسالك الشمال
معك فلوس هيحترموك، مامعكش بالرجل وهيشوطوك
هتشخلل جيبك هتعدي والناس بالحضن هياخذوك
مبقاش في حد عنده ضمير، ولا حتى في اِحترام لكبير
والدنيا باظت يابا ع الآخر، واللي ركبوا الموجة كثير
♪
لا عاد في سايب ولا مربوط، خابت خالص وظاطت موت
كله فاتح صدره على الآخر، كلها فجأة طلع لها صوت
صنف الجدع شح من السوق، والمحترم ما بقش له سوق
واللي بقى موجود وبوفرة، بجاحة علني وقلة ذوق
زمن عجيب مالوش كتالوج، هان العدل وصان المعوج
خلى الخسيس بقى واخذ وضعه، وإبن الأصول للناس محوج
واللي كانوا راعبين شنبات، بقوا عضم في قفة وماضي فات
ومحدش بقى يسمع عنهم، والإنصاص ركبوا ترندات
ثوب الرجولة اتهرى من كثر ما لبسوه عيال
ولا عادش في مرجلة والكل بقوا أندال
قلبت، قلبت خلاص معيلة والسندال حاله مال
وخلاص بقت هرجلة والسالك الشمال
ثوب الرجولة اتهرى من كثر ما لبسوه عيال
ولا عادش في مرجلة والكل بقوا أندال
قلبت، قلبت خلاص معيلة والسندال حاله مال
وبقت خلاص مهزلة والسالك الشمال
وبقت خلاص مهزلة والسالك الشمال