اسم الله عليك آ يحسين ريت البيك بينه
يلي الكون وال بالكون كلها ادموع عينه
دينك يظل عالي
والله منبالي
واسه كل غالي
ريت البيك بينه
اه ياحسين انته العزيه
ابكل البشر دمعة رقيه
والدنيه كلها ماتساوي ارماد لخيام
يال منحرك سلم علينه
وصل سلامك من سكينه
ياصاحب الذكره الي ما تنساها الايام
رددناك للعالم نشيده . اب آيحسين ومصابه القصيده
وصيحة ام البنين . وا ويلي على حسين
وفت للعزه انذور العقيده
آيحسين ما ننساك . يالذكراك . شمعه
في كل يوم . يامظلوم . واحنه اعليك دمعه
ثار السمه ثارك . واحنه زوارك .ويه انصارك
ريت البيك بينه
♡♡♡♡♡♡♡♡♡♡♡♡
دمع الذي امفارق خليله
يتذكر ادموع العليله
وينسه مصايبه يالمصابك بلسم آلام
كل ام شهيد اتشيل شيله
تذكر علي الاكبر وليله
شمعة شبابه اتهون إذا تذكر الجسام
كل عاشور نحمل هالمعاني
ايموت السيف متموت الأماني
ومن نلمطم على الراس . نتذكر العباس
غيرة ومرجلة وعزة وتفاني
في كل عام . لينه ايروح كم جسام . واكبر
رغم البين . آ ياحسين . فيك انذوب أكثر
سهم الذي صابك . معظم امصابك .صوب احبابك
ريت البيك بينه
♡♡♡♡♡♡♡♡♡♡♡♡
آيا حسين انته العشيره
وهاذي صلاة الحب الأخيره
يال عالجبينه للحجر تكبيرة إحرام
يالي الى الباري ركوعه
وبس للسمه ذله وخضوعه
مال اعله قربوس الفرس في ركعة اسهام
ويوم الشال المثلث وجوده . فوك الخيل مايحصل سجوده
وا ويلي على حسين . طاح ابطيحة الدين
وانهد للشرع ركنه وعاموده
يال عطشان . ساجد كان .عالتربان جرحه
شفت منين . مثل حسين . عقب فوق رمحه
اياته مقطوعه . روحه مرفوعه . داسو اضلوعه
ريت البيك بينه