أنا حاسس بالأمان، بزمان غير الزمان
من يوم ما جيتني وعينيك نادتنى نسيتنى كل اللى كان
نسيتنى عمرى اللى راح، نسيتنى كل الجراح
وإحلوت الدنيا شوفت حاجة تانية، دوقت أجمل حنان
إيه ده بقى ده اللى أنت عملته ده، إيه ده
ما أقدرش أنا على كل الحب ده
وإزاى دنيتى تتغير كده أول ما أبص فى عينيك
أهو ده بقى اللى أنا لا عملت حسابه
يجي يوم والهوى خبط على بابه
ولا فارقة معايا مره ولا عذابه
طول ما أنت إيدى فى إيديك
أنا حاسس بالأمان، بزمان غير الزمان
من يوم ما جيتني وعينيك نادتنى نسيتنى كل اللى كان
نسيتنى عمرى اللى راح، نسيتنى كل الجراح
وإحلوت الدنيا شوفت حاجة تانية، دوقت أجمل حنان
مش قادر أعيش من غيرك ولا راضية تمر الأيام
أيامى بقت من غيرك أيام بتعدى والسلام
ده أنا أموت لو أعيش من غيرك بقولها بجد مش كلام
أنا مش قادر أحس إزاى أنا من غيرك كان ممكن أكون
ولا قادر أدوب على القد ده أنا بجد عشقتك بجنون
وأهى ترسى معاك زى ما ترسى، وأهى تكون بقى زى ما هتكون
إيه ده بقى، ده بقى اللى حصل وجرالى
عينى عايزة عينيك على طول بصالى
بقت الدنيا بتحلى وتصفالى أول ما أبص فى عينيك
أهو ده بقى اللى أنا ما خطرش فى بالى
شوف كام سنة وأنا غلبان وفى حالى
كده كل حياتى تيجى تقلبهالى
روح كده الله يجازيك
أنا حاسس بالأمان، بزمان غير الزمان
من يوم ما جيتني وعينيك نادتنى نسيتنى كل اللى كان
نسيتنى عمرى اللى راح، نسيتنى كل الجراح
وإحلوت الدنيا شوفت حاجة تانية، دوقت أجمل حنان
حاسس بالأمان، بزمان غير الزمان
من يوم ما جيتني وعينيك نادتنى نسيتنى كل اللى كان
نسيتنى عمرى اللى راح، نسيتنى كل الجراح
وإحلوت الدنيا شوفت حاجة تانية، دوقت أجمل حنان