Whoa, whoa
دولا ما يشركوش في العمل ويطمعوا في نسبة ليهم
واللي إدونا في عز جوعنا ما بنعضش غير إيديهم
بمتص شخصك عشان أكونلك أضمن
إحنا نقط مش متشافة وبنتسابق على الأفضل
كونتلك كل حاجة، لبست وش في وش وأمشي
عرفت أكونلك شيء يسعدك وما عرفتش أبقى نفسي
مخير أمشي سكة إن الدنيا مش قدنا
والفقراء بقم فقراء رغم كان طموحهم غنى
بنرجعها مرش وإحنا فيها ملوك العرش
والغريب مشاعري ماتت ونار غيرتي ما بتبردش
الوحدة علمتني أنامها بدري وما أسهرش
إرادتي بانت تحت ضغط، لو بموت ما تشوفش ضعف
عقلي شطح نطح سافر، بكرة لينا صباح باكر
رغم شطارتي في كل جانب لسه شايف نفسي فاشل
شكراً كبتي عمل كاتب وكتاباتي في عالم تالت
وأنا دماغي مش مقاسك مش هوعي عالم تافه
متواضع غير متعالي عشان عارفها ما بتدومش
أنا واحد من اللي ضميرهم طول الليل ما ينيمهمش
مستعجل عايز أجيب آخرها، واحد ما يصبرش
قيمتي في سوقي لامبورجيني وقت رخصي هبقى بورش
على الهدى وعلى الخطي طريقي فيه تعابين
نفسي أفهم ليه الموهبة عكس مؤهل التعليم
رخصك بان في سوق كرامتك، لو مليم ما بنشتريش
دليل ظهور وجود معيد كان أصله إنحناء للعميد
بيتاتكوا بالدولار
كلامكوا رخيص، جنيه متعوم
عندي موهبة من الصغير
مشحون lyrics ومتمون
دول حرابي وبتتلون
كُتل فشل وبتتكون
بتتكتب وبتتكوم
بتتقسم وبتتدون
فهمهم إنك غيرهم ماشي عكس خط سيرهم
ده تراك للعباقرة جوا scene الحليهم بينهم
اللي إنت ميت فيهم مش هيبيعك حد غيرهم
واللي إنت واثق فيهم ما تشكش في حد غيرهم
خارق النطاق، عقلي واسع الأفاق
هكتب الـ lyrics وأبيعها لو بتاجر في الآثار
إزاي أزرع شجرتي ويحرموني من الحصاد
ولولا الرغبة في الحرام ما كان ظهر وجود شيطان
قالك حفلة إتبسط
إسمي على الـ Ticket
أجري كام، بدون فلوس، المهم أغنى أنبسط
وما طلعتش بعد تعب، عارف على الحلم بدري
دي شركات هيجيلها يوم وتشحت لأجل تمن أجري
لو في فعل عيني تشوف وتحكم ولا قيل وقال
ولا إحترام للشعوب ولا تقديس للتراث
الناس دي بتقدملك جنة لأجل ساعة المراد
كل يوم بحترم أكلي لأجل إخواتي في الصومال
بيني وبيني أنا خطاء بس قاصد مش غصب
بيني وبين ضميري خصام عشان فاقد الرد
جوا حالة من الصمت، عقلي خد الخبرة عجز
أنا صاحب كل السفن بس فاقد البر
وزن دماغي كبر تقل على جسمي، إبتسمي
وصلتينا لنقطة أقولك فيها إنتي مش إنتي
كانت حاجة وبقيت شيء كاره أسمع نبرة صوته
كانت حاجة أديها عمري وبقيت شيء بتمني موته