Kishore Kumar Hits

Ortega - Bint Blade şarkı sözleri

Sanatçı: Ortega

albüm: Kawkab Akhar


على شط البحر مستني وصول رسالتك
من ورى موج البحر بطمن على حالتك
الطقس بارد و الموج عالي
معناتوا بدك حضن و مشتقالي
الوضع صعب بس مو صعب علينا
هيك مكتوب علينا الحب ابتلى فينا
الفراق صعب بس الحب بنينا
و البحر المتوسط هو متوسط بينا
ع الشط مستني
مستني لأشوف شو كتبتي
يا بنت هاجرتي و بعدتي
ايدي بإيديكي يا بنت بلادي
بنبسط كل مـ أشوف سفينة علينا مارة
بصير اقول اكيد بعتالي بشرة سارة
طلعت ع الميناء ع فوق المنارة
شغلت الغنية إلي بتحبيها سارة
يا لطيف ما شفت ألطف من هيك جنس
ما حشوف غيرك لانوا بعيوني الطمس
صوت الهواء بعتلي صوتك بهمس
نفسي اشوفك متل مـ نفسي اشوف القدس
ع الشط مستني
مستني لأشوف شو كتبتي
يا بنت هاجرتي و بعدتي
ايدي بإيديكي يا بنت بلادي
صرت ارمي حجار معناتوا بحبك اكتر
علمتك كيف ترسمي فلسطين ع الدفتر
رسايلك غزل انت وردة و عسل
بس الوردة الحمرا مو حلوة بدون الورق الاخضر
انتي الاخضر انتي حليتيني
بكونلك التطريز لو كنتي الثوب الفلسطيني
حياتي فلم و انتي اجمل لقطة
أنا فاصلة انتي نقطة
ع الشط مستني
مستني لأشوف شو كتبتي
يا بنت هاجرتي و بعدتي
ايدي بإيديكي يا بنت بلادي
شوفي وراكي حتلاقي جندي
و انا بعيد بهتم فيكي لانك طفلة عندي
ع الشط مستني اشوف شو كتبتي
الغنية الك وصلك ردي
تعلمت السباحة بدي احاول اوصلك
لو صارلي شي و لو غرقت لاجلك
حاولي انك تبحري ع فلسطين
لانوا ع الشط بنيتلك قلعة من طين
ع الشط مستني
مستني لأشوف شو كتبتي
يا بنت هاجرتي و بعدتي
ايدي بإيديكي يا بنت بلادي

Поcмотреть все песни артиста

Sanatçının diğer albümleri

Benzer Sanatçılar