Ufgwachse imnä Chrützfahrtschiff
Wo mä jedä Tag die glychä Lüt atrifft
Mit em Swisspass i dr zwöitä Klass
Jedä meint krass uf Facebook
Was chrützfautsch isch
Zu jedem Thema hei mir plötzläch ä Ahnig
Jedä Seema macht öffentläch Panik
Boot isch voll gägä usä mit dä Rächtä
Numä mit dä Linke gäbs glych ä Titanic
Für dass es grad blybt brucht's beidi Sitä
Zämä ruederä, nümm zämä strittä
Jitzä müessä mir parat sy
Wienä Paparazzi
Kämpfä gäg Gedanke vo dä Nazis
Sie male schwarz-wiis
Ig male farbig
Jedä Mönsch isch glych, wenn är im Sarg ligt
Mir vergässä das im Überfluss
Gib mir ä Füdustupf
Wenn i dr Suppe no es Haar ligt
Ig bi ganz klar dankbar für die paar Jahr
Im Katamaran vo dr Alinghi
Ke Diskurs à la Thiel und Schawinsiki
Gibä lieber Dütschkurs für Habibis
Stig i mis Boot
Steckä mir nümme dr Finger i Po
Fingä ds doof
Bringä die wunderbar klingende Zilä
Verby a dä Ort
Gibä dä Gielä u Modis Support
Hilfenä gärn bi dä komische Wort
Filtere Slang
Bilde sä sträng
Blybä nüm lenger bim Boiekomfort
Ig chumä id Gäng ganz ohni Gang
Ig ha mini Fam, mini Familieclan
Schriebä näbebi gärn o Textä
Für dPoetry Slammer Szenä
ND Light, ds isch Musig für dini Seeläää
Iiboote, drilose
Bim Zytbote
Ke Münzä, sondern Musiknote