القلب الليل كحل شحال من عين تتحل
القلب رهيف يجيف كيف السيف يبان
ساعة كون سبع ولا كون ضبع
لي عف اتلف يسفوه الذبان
القلب الليل كحل شحال من عين تتحل
القلب رهيف يجيف كيف السيف يبان
هاك اسمع حرب لحوام فين العنف يحكم
هنا فين يتخلطوا الدموع بالدم بنادم شابع السم
العين كتشوف ضبابة و القلب مظلم
كفلة بغرط كفلة و كلشي ملتم
ماشاريار مخسرة و المضخم مقدم
طويل يبري فالسما نازل يقسم
هذا فن الدق التشكيلي على اللحم يترسم
و بدات الحرب مع أول ضربة الدم يترش
شليت مشروط حيت المشلوط باقا شبرو فلاش
ما كاينشي العفة الي عاف تقلبت عليه الكفة
ذاق بالخوفة و ضربة الخواف معروفة
مشهد كيألم الدراري فبعض تهدم
فسدوا بعضهم فسيد و الحساب ما بغى يتسقم
صافي الموت تحتم لازم شي روح تتعدم
قولولي علاش كنموتو هكذا فحرب لحوام
عايشين بين لحوام و العنف فدمنا جاري
كنشوفو غير الدم لعشير من عشيرو باري
كلشي ابلع فالسم و تا واحد ما داري
كاين لي تشبر كاين لي مات كاين لي باقي جاري
عايشين بين لحوام و العنف فدمنا جاري
كنشوفو غير الدم لعشير من عشيرو باري
كلشي ابلع فالسم و تا واحد ما داري
كاين لي تشبر كاين لي مات كاين لي باقي جاري
بطاين اطيح فالحبس يضيع لعمر
الفرق بين القاتل و المقتول غير لقبر مدفون و مسجون
و قاضي طبق القانون
حيت كل مكان الاجرام كل ما القاضي ضامن رزقو
الدروجا دالعة الدراري اتبلاو و حمقوا
حيت ما كاين ما يدار فالدم و الدموع غرقوا
حياة العنف و الضرب و الجرح العشوائي
ثقافة التشبر و الدق البدائي
و الوالدين معذبين بين الروضة و القفاف
كبروا مساكن و طاحوا لكتف
باقين هايزين الحمل لي ما بغى يخفف
القانون ما يرحم يعني حتى المحامي هراف
الدموع تسيل فوق لقبور و فبيبان المحاكم
لي عندو الفلوس شاري حبسو ، البوفري باقي يساوم
حتى القانون فهاذ لبلاد متهوم بالقتل
و دايما البراءة و الضحية هو العدل
عايشين بين لحوام و العنف فدمنا جاري
كنشوفو غير الدم لعشير من عشيرو باري
كلشي ابلع فالسم و تا واحد ما داري
كاين لي تشبر كاين لي مات كاين لي باقي جاري
عايشين بين لحوام و العنف فدمنا جاري
كنشوفو غير الدم لعشير من عشيرو باري
كلشي ابلع فالسم و تا واحد ما داري
كاين لي تشبر كاين لي مات كاين لي باقي جاري
ملك الموت بين لحوام ديالنا يحصد الرواح
يقلع روح مور روح يبقى الدم و النواح
قلي علاش هاذ الحرب و شكون لي فيها ربح
كاملين غير ضحايا و الواقع سفاح
يلي فيديك ذباحة لي بغرضك خاك المسلم
الروح عزيزة عند الله إذا طاحت حتندم
بنادم ما فيه والو غير علا سبة يطيح
ما فيها لا صليب ولا قافز ولا صحيح
الحرب الي نايضة بين لحوام ما هي غير سياسة
بغاونا نقتلو بعضنا و نعيشو حباسة
عطاونا السم يقتلنا حنا كنقتلو بعضنا عليه
واحد فينا يبيعو واحد فينا لي يشريه
حيت لاعبين فالحرام قبل ما تزدحني حنزدحك
الشياطين غير جمهور كيتفرج فينا و يضحك
قاتل و مقتول و شكون المسؤول
بلا ما نزيد نقول كلامي واضح و مشكول
عايشين بين لحوام و العنف فدمنا جاري
كنشوفو غير الدم لعشير من عشيرو باري
كلشي ابلع فالسم و تا واحد ما داري
كاين لي تشبر كاين لي مات كاين لي باقي جاري
عايشين بين لحوام و العنف فدمنا جاري
كنشوفو غير الدم لعشير من عشيرو باري
كلشي ابلع فالسم و تا واحد ما داري
كاين لي تشبر كاين لي مات كاين لي باقي جاري
هذا هو الواقع د لحوام المهمشة فالهامش
والي خصنا نبدلوه
بركة من الدم
بركة من الدموع
بركة مالعنف
كاملين غير مزرفين و مقدمين
قلي علاش كنتحاربو
على لحرام
بطاين كتطيح على غرام
تفوقنا فعلم الإجرام و جات الساعة لي نحكمو عالعنف بالإعدام
حيت جات الساعة دالتمرد
إذا كان هذا هو الواقع
أنا متمرد حتى الكفن
و جيب العز ولا كحز