بإسم الشباب بهاذ لبلاد نكتب هاذ الرسالة
حيت ضاق بينا الحال والحال حالتو حالة
ملي خلقنا وحنا صابرين والصبر صبرو تسالى
كانقولو غا تحلى وما زايدة غير فالبسالة
شابرين لقنات كانموتوا فيهم بالتقالة
بالدروغا والهاش كانحاربوا البطالة
ماكانخدموا ماكانردمو حياتنا ماشا نزبالة
كيف القاري كيف الأمي كولشي فالشبكة الخبالة
حرافتلي كيفاش نخدم حيت ماعنديشي الكالة
رجع نلور وتكالا ولادهم هما لوالة
ادا باغي تدمر ضرب البيكو والبالة
ولا تبع الطريق دخوتك سراق وقتالة
مسكينة الحكومة حرفالا
من دابا نفوق ماكاينشي الراحة حيت حنا دمالة
ياغا تشوفونا شي حل ياغانودوا شي قربالة
قبل مايفوت الفوت أما هذي غير الرسالة
هذِي رسالة مكتوبا بدم ودموع الفقرا لي جاريين فدمِّي
حروف خارجة من القلب ماعلابليش بالحرب حيت أنا مُقِد بفُمي
فبلا متعمل راسك غافل ولا ماعرفشي ولا بلِّي راك أُمِّي
الهدرة عليك يابنادم نتا وهذاك ولاخور ولا بغيتو نسمِّي
هذي رسالة مكتوبة بدموع ودم الفقرا
نالحكومة نالوزارة نأي واحد بدل الكارة
بغيناكم تحسوا بينا تعرفونا بلي حنى صبارا
بالحق ملي غانثوروا الثورة ديالنا حتى نمقبرة
حنايا ماشي غنم نتومة ماشي جزارة
حنايا المسؤولية ونتوما المسؤولين شفارة
صافي مابقيناش نخافوا خرجنا من المغارة
عقنا بكم غير الهدارة كلمتكم غدارة
قولولي كيف كاتحسوا ملي الشباب فحال النوارة
ماجابر مايعمل براسو غير كيضيع خسارة
سنين تضيع فالحبس ولا في الغربة بلاد النصارة
ولادنا فالزنقة شمكارة وبناتنا فالدعارة
كيعيشوا حياة الزنقة لي رداتم غير الحكارة
حن تتمحن شعار كيكي والزبارة
ومابقا قد مافات وتصفر الصفارة
أما هذه غير الرسالة بدموع الفقارة
هذيِ رسالة مكتوبا بدم ودموع الفقرا لي جاريين فدمِّي
حروف خارجة من القلب ماعلابليش بالحرب حيت أنا مُقِد بفُمي
فبلا متعمل راسك غافل ولا ماعرفشي ولا بلِّي راك أُمِّي
الهدرة عليك يابنادم نتا وهذاك ولاخور ولا بغيتو نسمِّي
هذي رسالة كاتبينها غِي الشباب
ماخلاو فين دقوا ماخلاو حتى باب
بقاو سنين بتسناو باقي مكاين حتى جواب
صافي القلب راه طاب و الراس على بكري شاب
الأمـل في المستقبل خاب ونتوما هما السباب
قتلتوهم بالوعود مشافوا غِير الضبـــاب
مكين طريق فين يهراب
كين غِير السراب غِير قتل في الأحلام ودفن تحت التراب
آلخاوة كلشي كذاب آعشري كلشي نصّاب
حتى لي جْنَى الغلَّة ليوم ولا حطاب
حتى لي خلى الزبل ليوما رجع يشطّاب
علاش الضمير غــاب حيت في قانون الغاب
الخير معندو حباب و الشر هو الغلاب
وشكون تكونو باش تحكمو علينا بهذ العذاب
ودبا سمعو محلكم في الإعراب
رباعة دولاد الكلاب
هاذِ رسالة مكتوبا بدم ودموع الفقرا لي جاريين فدمِّي
حروف خارجة من القلب ماعلابليش بالحرب حيت أنا مُقِد بفُمي
فبلا متعمل راسك غافل ولا ماعرفشي ولا بلِّي راك أُمِّي
الهدرة عليك يابنادم نتا وهذاك ولاخور ولا بغيتو نسمِّي
هاذِ رسالة مكتوبا بدم ودموع الفقرا لي جاريين فدمِّي
حروف خارجة من القلب ماعلابليش بالحرب حيت أنا مُقِد بفُمي
فبلا متعمل راسك غافل ولا ماعرفشي ولا بلِّي راك أُمِّي
الهدرة عليك يابنادم نتا وهذاك ولاخور ولا بغيتو نسمِّي