يعلم الله أشنو كاين في القلب
يمكن نبانلك أنا هاني
ومن لداخل نايضة الحرب
الدنيا حكارة وكاع ما كتحس بالذنب
وكاع اللي كنتيقو فيهم
خارجين لينا من الجنب
قلبي مقبرة لجراحي اللي ثوّارة
خلّى ليمارة اللي خلاني و توارى
و قالو الشعراء بلي الدنيا دوّارة
ربح وخسارة وما تدوملك نوّارة
ويا بني آدم يالي باغي تعرف مالك
شوف الماضي ديالك وشوف فعالك
ولا تظن بلي الجبروت يعلي شانك
يمكن غلطة وحدة ترجعلك حسابك
سرّك فقاع البير وعند الشارب منو
وبلا ما تلوم المحبوب اذا خاب ظنّو
وكاع اللي كانو حباب ما بقاو يحنّو
وكلشي مضّا سنّو
وخبّي سرّك المدفون يا اللّي
عمرك ما ظنّيتي بلّي
يمكن حبيبك اللّي كان يولّي
فدار العديان اسرارك يملي
وخبّي سرّك المدفون يا اللّي
عمرك ما ظنّيتي بلّي
يمكن حبيبك اللّي كان يولّي
فدار العديان أسرارك يملي
و خبّي سرّك يا اللّي
ما ظنّيتي بلّي
يمكن حبيبك يولّي
كاع أسرارك يملي
ياما حلمتي دابا جا وقت الكوابيس
ملي كل الناس يعرفو اللّي فالكواليس
وكاع اللّي قراب منك غيبانولك جواسيس
غادي يحكمك الشّك فحبس الوساويس
ويا الساقي جنانك بدموع المظلوم
ما جنيتي منها دابا غير لهموم
حكمت الاقدار ليوم تفضح المدفون
و التايق فالدنيا ملعون
وماشي كاع اللّي باين
فالواقع هو اللّي كاين
وشحال من صاحب خاين
في الفرصة كان يساين
وقلوب النّاس مقبرة الأسرار
ويا ويلو اللّي دافن فيها العار
و بين الشر و الخير ما يحتار
غير اللّي اختار يلعب بالنّار
وخبّي سرّك المدفون يا اللّي
عمرك ما ظنّيتي بلّي
يمكن حبيبك اللّي كان يولّي
فدار العديان اسرارك يملي
وخبّي سرّك المدفون يا اللّي
عمرك ما ظنّيتي بلّي
يمكن حبيبك اللّي كان يولّي
فدار العديان أسرارك يملي
و خبّي سرّك يا اللّي
ما ظنّيتي بلّي
يمكن حبيبك يولّي
كاع أسرارك يملي
و خبّي سرّك يا اللّي
ما ظنّيتي بلّي
يمكن حبيبك يولّي
يا كاع أسرارك يملي