No'ng isilang ka sa mundong ito
Laking tuwa ng magulang mo
At ang kamay nila ang iyong ilaw
At ang nanay at tatay mo'y
'Di malaman ang gagawin
Minamasdan pati pagtulog mo
At sa gabi'y napupuyat
Ang iyong nanay sa pagtimpla ng gatas mo
At sa umaga nama'y
Kalong ka ng iyong amang tuwang-tuwa sa 'yo
Ngayon nga ay malaki ka na
Ang nais mo'y maging malaya
'Di man sila payag, walang magagawa
Ikaw nga ay biglang nagbago
Naging matigas ang iyong ulo
At ang payo nila'y sinuway mo
'Di mo man lang inisip
Na ang kanilang ginagawa'y para sa 'yo
'Pagkat ang nais mo'y
Masunod ang layaw mo, 'di mo sila pinapansin
Nagdaan pa ang mga araw
At ang landas mo'y naligaw
Ikaw ay nalulong sa masamang bisyo
At ang una mong nilapitan
Ang 'yong inang lumuluha
At ang tanong, "Anak, ba't ka nagkaganyan?"
At ang iyong mga mata'y
Biglang lumuha nang 'di mo napapansin
Pagsisisi ang sa isip mo't
Nalaman mong ika'y nagkamali
Pagsisisi ang sa isip mo't
Nalaman mong ika'y nagkamali
Kahapon ay nilimot mo
Pati ang iyong masamang bisyo
Laking pasalamat ng magulang mo
Ikaw nga ay tuluyang nagbago
Natagpuan ang sarili
Galaw ng isip mo, matuwid na
Patuloy ang takbo ng araw
At ikaw ay natutong umibig
'Di naglaon at ipinasya mong
Lumagay ka na sa tahimik
Pagkabinata mo'y natapos na
Malapit ka nang maging ama
Kaya lalong nagsikap nang husto
Dumating ang iyong hinihintay
Sinilang ang panganay mo
Parang langit ang 'yong nadama
Ngayon, anak, alam mo na
Kung ano'ng pakiramdam nang maging isang ama
Ganyan din ang nadarama
Ng iyong ama't ina nang ikaw ay makita
Ngayon iyong naramdaman
Ngayon iyong naranasan
Ngayon iyong maiintindihan
Tama pala ang iyong ina
Tama pala ang iyong ama
Ngayon, hindi ka na magtataka
Hindi pala birong maging magulang
Oh, ngayon iyong dinaranas
Hindi pala birong maging magulang
Oh, ngayon iyong dinaranas
Hindi pala birong maging magulang
Oh, ngayon aking dinaranas