Ginawa ng Panginoon ang langit at lupa
Mga hangin, dagat, ilog at mga sapa
Mga kahoy, halaman, at damong sariwa
Sari-saring hayop at ibon na maging alaga
Sa pangpitong araw, nang Siya'y namahinga
Kay ganda ng mundo na Kanyang nakita
Ngunit kailangang may taong mangasiwa
Kaya Niya nilalang si Adan at Eba
Si Adan at Eba'y masayang nagsasama
Sa mundong paraiso'y sila lang dalawa
Ngunit 'di naglaon, sila'y nagkasala
Kinain ang mansanas na ipinagbawal sa kanila
Na ipinagbawal sa kanila
At d'yan nagsimula ang kaparusahan
D'yan nagsimula ang kaparusahan
Tinaboy ng Panginoon si Eba at Adan
At binigyan ng damdaming may takot at kahihiyan
Binigyan ng damdaming may takot at kahihiyan
Sila'y namumuhay sa mundo ng kahirapan
Sila'y nagkaanak ng dalawang lalaki
Nag-asawa si Cain at hanggang dumami
'Yan ang tanong kung saan siya kumuha ng babae
Ang tanging Bibliya lamang ang makapagsasabi
Mga lahi ni Cain, may masasamang klase
Magnanakaw, tulisan, bombastar at mang-aapi
Nagalit ang Panginoon sa ubod ng dumi
Nilubog ang mundo, ang tinira ay si Noe
Si Noe at ang kanyang angkan ay mababait
Sila'y maka-Diyos kaya niligtas ng langit
Ang bilin ng Panginoon, sila'y magpakabait
Ang paglubog ng mundo'y 'di na mauulit
Ay 'di na mauulit
At dumating si Kristo't tayo'y tinubos Niya
Dumating si Kristo't tayo'y tinubos Niya
Nang tayo'y mailigtas sa pagkakasala
At itinuro sa 'tin ang lahat ng landas Niya
Nang dahil sa atin, sa krus ay namatay siya
At Siya'ng tumanggap sa lahat ng parusa
Kaya dapat na nating iwasan
Ang pagmamataas na sa ating daigdigan
Tayo'y magpakumbaba at magbigayan
At sa isa't isa, tayo'y magmahalan
Sa isa't isa, tayo'y magmahalan